მთავარი,სიახლეები

დეპუტატების გარბენი ბათუმის ბულვარში

25.07.2017 •
დეპუტატების გარბენი ბათუმის ბულვარში

გარბენი სახელწოდებით „იყავი ჯანმრთელი“, 29 ივლისს გაიმართება. პარლამენტის წევრმა, ფატი ხალვაშმა, „ბათუმელებთან“ განაცხადა, რომ გარბენი მისი ინიციატივით და ორგანიზებით იგეგმება. კითხვაზე, რატომ გადაწყდა გარბენის მოწყობა, დეპუტატი ამბობს, რომ ამ ფორმით სურს ახალგაზრდებს ჯანსაღი ცხოვრებისკენ მოუწოდოს.

„ჩვენ თვითონ უნდა მივცეთ მაგალითი, რომ ჩავაბათ ახალგაზრდები ჯანსაღ ცხოვრებაში. ამიტომ მეც ვაპირებ გარბენში მონაწილეობას“, -გვეუბნება ის.

ფატი ხალვაშის თქმით, ის ბათუმის მაჟორიტარებსაც ესაუბრა გარბენში მონაწილეობის მისაღებად. „სხვათა შორის, საკრებულოს და უმაღლესი საბჭოს წევრებმაც გამოთქვეს სურვილი, რომ მიიღონ მონაწილეობა. ასევე სხვადასხვა უწყების წარმომადგენლებიც იქნებიან“, – ამბობს ის.

მძლეოსნურ გარბენზე რეგისტრაცია დილით ათი საათიდან დაიწყება, ხოლო სტარტს  11:00 საათზე აიღებენ. გარბენა ბათუმის შოთა რუსთაველის უნივერსიტეტის მიმდებარე ტერიტორიიდან ანბანის კოშკის მიმართულებით იქნება.

ორგანიზატორების ინფორმაციით, გარბენის სპონსორი „ბათუმი ცენტრალია“.

გამარჯვებულებისთვის დაწესებულია პრიზები. „გამოყოფილია ექვსი საპრიზო ადგილი ქალებისთვის და კაცებისთვის. პირველ საპრიზო ადგილზე გასულ  პირს „ასპრია ფიტნესის“ სავარჯიშო დარბაზის ორთვიანი აბონიმენტი გადაეცემა, ასევე, „რედისონის“ „ეიფორია სპას“ და სპორტული დარბაზის ერთდღიანი ვაუჩერი.

მეორე საპრიზო ადგილის მფლობელს „ასპრია ფიტნესის“ სავარჯიშო დარბაზის  ერთთვიანი აბონიმენტი, ხოლო მესამე ადგილის მფლობელი „პალმ აპარტმენტის“ აუზზე ერთი ადამიანის შეყვანის უფლებით ერთთვიან აბონიმენტს მიიღებს“.

გადაბეჭდვის წესი


ასევე: