Batumelebi | აჭარის მთავრობა: ხელვაჩაურში სოციალურ ბინის 3000 ოჯახი ელოდება აჭარის მთავრობა: ხელვაჩაურში სოციალურ ბინის 3000 ოჯახი ელოდება – Batumelebi

აჭარის მთავრობა: ხელვაჩაურში სოციალურ ბინის 3000 ოჯახი ელოდება

 

 აჭარის  მთავრობის ინფორმაციით,  ორთაბათუმში, სოფელ კაპრეშუმში 50 ბინიანი ორი ხუთ სართულიანი სოციალური სახლის მშენებლობა დაიწყო. პროექტის თანახმად მშენებლობა 2015 წლის ბოლომდე დასრულდება. 

 

აჭარის მთავრობის თავმჯდომარემ სოციალური სახლის მშენებლობა მოინახულა

პროექტში გათვალისწინებულია მიმდებარე ტერიტორიის ინფრასტრუქტურის მოწყობაც. პროექტს, რომლის ღირებულება 2 013 999 ლარია, ტენდერში გამარჯვებული შ.პ.ს „მშენებელი 80“ განახორციელებს. სამუშაოებზე 100-მდე ადგილობრივია დასაქმებული.

 

„ვფიქრობ, რომ მნიშვნელოვანი პროექტია. ჩვენ რამდენიმე თვის წინ ხულოში ჩავუყარეთ საფუძველი ასეთივე სახლის სარძიკველს. ეს სხვა რაიონებშიც გაგრძელდება, სანამ მსგავსი სახლების საჭიროება იქნება. 2014 წლის ბიუჯეტში ხელვაჩაურში სოციალური სახლის მშენებლობისთვის გავითვალისწინეთ 2 მილიონ ლარზე მეტი. ეს 50 ბინა პირველ და მეორე კატეგორიაში მყოფ ეკომიგრანტებს გადაეცემათ. მშენებლობა 2015 წლის ბოლომდე დასრულდება, მანამდე კი შევარჩევთ იმ ოჯახებს, ვინც იცხოვრებს ამ კორპუსებში.

 

 არსებული მდგომარეობით ყველა I და II კატეგორიის ეკომიგრანტს ბენზეს დასახლებაში გადავეცით ბინები“- განაცხადა არჩილ ხაბაძემ მშენებლობის მიმდინარეობის გაცნობის შემდეგ. ხელვაჩაურის მუნიციპალიტეტში სოციალური ბინის მოლოდინში 3000 ოჯახია. 


აჭარის მთავრობის თავმჯდომარემ არჩილ ხაბაძემ, ჯანდაცვის მინისტრმა ნუგზარ სურმანიძემ და ხელვაჩაურის მუნიციპალიტეტის გამგებელმა ნადიმ ვარშანიძემ ხელვაჩაურის მუნიციპალიტეტში დღეს ახალი სოციალური სახლის მშენებლობა მოინახულეს და პროექტის დეტალებს გაეცნენ.

 

ნეტგაზეთის მასალების სხვა გამოცემებში გადაბეჭდვის წესი
„ბათუმელები"