მე და ჩემი მეგობარი [ფოტო]

სპარტაკი და მარლი

სპარტაკი და ორი წლის მარლი. ყველაზე მეტად სხვა ძაღლები უყვარს, ბრაზდება როცა ბავშვები ხმაურობენ. ძაღლები სპარტაკს ყოველთვის ყავდა, მარლი მან შვილებს აჩუქა, თუმცა ყველაზე მეტ დროს მარლისთან ახლაც თვითონ ატარებს.

ბაჩი და სამი წლის პიტბული ფურია. ფურია ძველრომაულ მითოლოგიაში შურისძიების ქალღმერთის სახელია. ბაჩის ფურიას ყველაზე მეტად ხილი უყვარს – მსხალი და ვაშლი.

ბუბუ და პერსიკი – ესპანური და ამერიკული კოკისპანიელები. ორივე გოგოა. ყველაზე მეტად ერთმანეთი უყვართ, ორივეს საყვარელი სათამაშო პატარა ჭრელი ბურთია.

ლინდა და სამი წლის კოკი.

გოგიტა და მილა, იტალიური კანე კორსო. მილა მალე ხუთი წლის გახდება, ყველაზე მეტად ოჯახის წევრები უყვარს, განსაკუთრებით – ბავშვები, ხშირად დადის ზღვაზე. მილა არ არის გოგიტას პირველი ძაღლი, მანამდე მას ბულდოგი და ნაგაზები ყავდა, თუმცა მილას გამოყოფს, როგორც უერთგულესს.