24 სექტემბერს, ხელვაჩაურის მუნიციპალიტეტში, სოფელ ზანაქიძეებში მეწყრული პროცესები განვითარდა.
სტიქიის შედეგად 50 ოჯახი გარესამყაროს მოწყდა. დაზიანდა საავტომობილო ხიდი, მწყობრიდან გამოვიდა შიდა სასოფლო გზები. ადგილზე მობილიზებულია სპეციალური ტექნიკა და აქტიურად მიმდინარეობს გაწმენდითი სამუშაოები.
სოფელში ასევე დაზიანებულია ელექტროგამცემი ტრანსპორმატორი. ზანაქიძეებში არსებულ პრობლემებს ხელვაჩაურის მუნიციპალიტეტის გამგებელი ნადიმ ვარშანიძე, საგანგებო შტაბის ხელმძღვანელი ანზორ ფერცელიძე და საკრებულოს თავმჯდომარის მოადგილე ჯუმბერ ვარდმანიძე გაეცნენ – ინფორმაციას ხელვაჩაურის მუნიციპალიტეტის გამგეობა ავრცელებს.
