Batumelebi | ბათუმში სამი ათასზე მეტი ბავშვი საბავშვო ბაღის გარეშე დარჩა ბათუმში სამი ათასზე მეტი ბავშვი საბავშვო ბაღის გარეშე დარჩა – Batumelebi
RU | GE  

ბათუმში სამი ათასზე მეტი ბავშვი საბავშვო ბაღის გარეშე დარჩა

 

საბავშვო ბაღების გაერთიანების დირექტორის, ნატალია ზაქარეიშვილის ინფორმაციით, იუსტიციის სამინისტროს ოფიციალური მონაცემების მიხედვით, წელს საბავშვო ბაღს მიღმა 3000-ზე მეტი აღსაზრდელი დარჩა. ბათუმის მუნიციპალური საბავშვო ბაღების გაერთიანებაში 28  ბაღი შედის. პირველ  სექტემბერს  მუშაობა დაიწყო 24 საბავშვო ბაღმა, მიმდინარეობს მერვე, მეცამეტე და მეხუთე საბავშვო ბაღების  რეაბილიტაცია, რომელიც 2014  წლის ბოლომდე დასრულდება.  

 

 

მუნიციპალური საბავშვო ბაღების გაერთიანების დირექტორის, ნატალია ზაქარეიშვილის თქმით, „ამჟამად მიმდინარეობს #21 საბავშვო ბაღის რეაბილიტაცია, რომელიც 2013 წელს სტიქიამ დააზიანა. აღდგენით სამუშაოებს ბათუმის მერია აწარმოებს.“ მისივე თქმით, 2015 წლისათვის ბათუმში ახალი ბაღების მშენებლობა იგეგმება.

 

წელს ბათუმში საბავშვო ბაღებმა  1322  აღსაზრდელი  მიიღეს. ბათუმში მუნიციპალურ ბაღებში აღსაზრდელთა ლიმიტი 6600-ა, აქედან ჩარიცხულია 6227 ბავშვი. ბაღებში მიმდინარე სარემონტო სამუშაოების გამო ბავშვები ჯერჯერობით გადანაწილებული არიან სხვა და სხვა საბავშვო ბაღებში, მას შემდეგ, რაც აღსაზრდელები თავიანთ  ბაღებს დაუბრუნდებიან, მათ გამოთავისუფლებულ ადგილზე მიღება თავიდან გამოცხადდება.

 

მუნიციპალური საბავშვო ბაღები  უფასოა და ის მერიის  ბიუჯეტიდან ფინანსდება. მუნიციპალური ბაღების გაერთიანებაში 1050 თანამშრომელია დასაქმებული, აქედან  350 აღმზრდელია, 27 უფროსი აღმზრდელი, ანუ მეთოდისტი. ნატალია ზაქარეიშვილის თქმით,  აღმზრდელთა უმრავლესობამ  გადამზადების  კურსი გაიარა, დარჩენილია 40 აღმზრდელი, რომლებიც  გადამზადების კურსს სექტემბრის ბოლომდე გაივლიან.  მათი საშუალო ხელფასი 400 ლარამდეა.

 

მომავალი წლიდან  საბავშო ბაღებში საბუთების  მიღება ელექტრონულად იწარმოებს. 

ნეტგაზეთის მასალების სხვა გამოცემებში გადაბეჭდვის წესი
მოხალისე , მარიამ გოგიბერიძე