მთავარი,სიახლეები

გართობა უფასოდ – ბათუმში ტურისტული სეზონი ოფიციალურად იხსნება

08.06.2017 • 4457
გართობა უფასოდ – ბათუმში ტურისტული სეზონი ოფიციალურად იხსნება

9 ივნისს, ტურისტული სეზონის გახსნასთან დაკავშირებით, ბათუმში, „ალი და ნინოს“ ძეგლთან, აჭარის განათლებისა და კულტურის სამინისტრო მუსიკალურ შოუს გამართავს. სამინისტროს ინფორმაციით, სანახაობა -„ზაფხული იწყება აქ“ -სპეციალურად საზაფხულო დეკორაციებით მორთულ პლაჟზე გაიმართება.

სამინისტროს ინფორმაციით, მთელი დღის მანძილზე სტუმრებს შესაძლებლობა ექნებათ მოუსმინონ ელექტრონულ მუსიკას . წარმოდგენაში მონაწილეობას მიიღებენ: Friendly Mosquito, Autumn tree, Gabunia, Mzhavia და ლაშა გურული.

„პლაჟზევე იფუნქციონირებს ღია ბარი და კაფეები – Radio Bar-ი, Pipes Burger Joint-ი, Pirate Bay Bar-ი, Cold Bar-ი, Martini Bar-ი, სადაც სასმელებისა და კერძების შეკვეთა შეღავათიან ფასად იქნება შესაძლებელი.“

ოფიციალური ინფორმაციით, დღის განმავლობაში იგეგმება სხვადასხვა აქტივობა. მათ შორის ველომარათონი, ქუჩის რაგბი, ფრანების შოუ, დღის ფეირვერკი. ბავშვებს მოუხატავენ სახეს, იქნება ქვაზე ხატვა, უფასო ჰელიუმისა და საპნის ბუშტები.

სამინისტროს ინფორმაციით, ამავე დღეს კლუბ „მანდარინის“ მიმდებარედ  უფასო იქნება შეზლონგები და ქოლგები.

„6-დან 7-საათამდე კი წყლის გასართობი საშუალებები – სკუტერი, პარაშუტი და იახტები  უფასო იქნება. „საღამოს პლაჟზე დაინთება უზარმაზარი კოცონი, რომელთან მისასვლელი გზაც ჩირაღდნებით განათდება. სეზონის გახნის ღონისძიება გრანდიოზული ფეირვერკით დასრულდება“-ნათქვამია სამინისტროს პრესრელიზში.

დღეს, 8 ივნისს, კი ტურისტული სეზონის გახსნის ღონისძიების ანონსი ქუჩის კონცერტით დაწყება.

ადგილობრივი ბენდები საბაგიროსთან, უნივერსიტეტთან (13:00 საათზე) და ბულვარის ცენტრალურ შესასვლელთან დაუკრავენ და სტუმრებს სეზონის გახნის ღონისძიებაზე დაპატიჟებენ.

 

გადაბეჭდვის წესი


ასევე: