Batumelebi | ორსული საავადმყოფოში საპატრულო მანქანით გადაიყვანეს ორსული საავადმყოფოში საპატრულო მანქანით გადაიყვანეს – Batumelebi
RU | GE  

ორსული საავადმყოფოში საპატრულო მანქანით გადაიყვანეს

 

საპატრულო პოლიციის თანამშრომლებმა, თამაზ ლაგვილავამ და მისმა მეწყვილემ 6 თვის ორსული გოგონა სამშობიარო სახლში პატრულის მანქანით გადაიყვანეს. მათ დახმარების თხოვნით ფეხმძიმე ქალის მეუღლემ მიმართა.

 

შემთხვევა წუხელ დაახლოებით 22 :00 საათზე ბათუმთან ახლოს, თამარის დასახლებაშ მოხდა; როგორც საპატრულო პოლიციის თანამშრომელი ლაგვილავა ამბობს, გზატკეცილზე მოძრაობა იყო საცობების გამო შეფერხებული, რის გამოც საავადმყოფოში  მისვლას ორსული გოგონას ქმარი მისი კუთვნილი მანქანით ვერ ახერხებდა;

 

მისივე განმარტებით,  ორსული გოგონა და მისი ქმარი საპატრულო ეკიპაჟის მანქანაში მოათავსეს და სამშობიარო სახლში მიიყვანეს. მანქანაში კი პირველადი დახმარება აღმოუჩინეს. პატრულის თანამშრომელი ამბობს, რომ გოგონას გაუსაძლისი მუცლის ტკივილები ჰქონდა. 

 

გოგონას ქმარი,  მინდია დუმბაძე ამბობს, რომ მის „მოძველებულ“ მანქანას საბურავები დაეშვა: „გზაზე ბევრი მანქანა მოძრაობდა და გადაადგილებას ვერ ვახერხებდი, პატრულის თანამშრომლებს დახმარება ვთხოვე და დამეხმარნენ“.

ამ წუთებში საპატრულო პოლიციის თანამშრომელი თამაზ ლაგვილავა გოგონას მოსანახულებლად მიდის.

ორსულის ჯანმრთელობის მდგომარეობა დამაკმაყოფილებელია და როგორ მისი ქმარი ამბობს, ექიმებმა მას წოლითი რეჟიმი გამოუწერეს.

 

 

ნეტგაზეთის მასალების სხვა გამოცემებში გადაბეჭდვის წესი
ნათია როყვა