Batumelebi | „ზღვა და სამყარო“ – გამოფენა ხარიტონ ახვლედიანის მუზეუმში [ანონსი] „ზღვა და სამყარო“ – გამოფენა ხარიტონ ახვლედიანის მუზეუმში [ანონსი] – Batumelebi
RU | GE  

„ზღვა და სამყარო“ – გამოფენა ხარიტონ ახვლედიანის მუზეუმში [ანონსი]

დღეს, პირველ ივნისს, ბავშვთა უფლებათა დაცვის დღესთან დაკავშირებით, ბათუმის ხარიტონ ახვლედიანის სახელობის მუზეუმში ოთხ საათზე გამოფენა-კონფერენცია „ზღვა და სამყარო“ გაიმართება.

გამოფენაზე აჭარის ხელოვნების სკოლის 12  მოსწავლე, რომელთაგან 5 შშმ პირია, წარადგენს ძველბერძნული მითოლოგიის მოტივებზე გადაღებულ ვიდეოკლიპს. კლიპის გადაღება გონიო-აფსაროსის დაცულ ტერიტორიასა და პეტრას ციხეში მიმდინარეობდა.

კლიპში ასახული მითოლოგიური სცენა, ტროელი მშვენიერი ელენეს მოტაცება პარისის მიერ, გამოსახულია ხარიტონ ახვლედიანის სახელობის მუზეუმში განთავსებულ ძვ.წ. მე-5 საუკუნით დათარიღებულ წითელფიგურიან კრატერზე.

გულნარა კაკაბაძის ფოტო

გულნარა კაკაბაძის ფოტო

კონფერენცია-პრეზენტაციის ორგანიზატორის, ინგა დიასამიძის თქმით, ეს პროექტი არ არის პირველი – შარშან, პირველ ივნისს გაიმართა ანალოგიური თემატიკის გამოფენა  – „შეჩერებული წამი“, სადაც განსაკუთრებული საჭიროების მქონე ბავშვებმა თავიანთი ფოტონამუშევრები წარადგინეს.

კლიპის პრეზენტაციის შემდეგ იგეგმება კონფერენცია, რომელსაც ხარიტონ ახვლედიანის სახელობის მუზეუმის ისტორიის განყოფილების უფროსი ასმათ ბაჯელიძე გახსნის.

კონფერენციაზე საზღვაო აკადემიის ზუსტ და საბუნებისმეტყველო დისციპლინათა დეპარტამენტის უფროსი მზია დიასამიძე წარადგენს თემას: „მსოფლიო ოკეანე – რესურსები და გლობალური პრობლემები“.

კონფერენციაში ასევე მონაწილეობას მიიღებენ ბათუმის უმაღლესი საზღვაო საინჟინრო სასწავლებლის, „ანრის“ I რანგის კაპიტანი ბადრი დოღანაძე და ამავე სასწავლებლის სტუდენტები.

გამოფენა-კონფერენცია გაიმართება ბათუმის მერიისა და ხარიტონ ახვლედიანის სახელობის მუზეუმის ეგიდით.

ბავშვთა ნამუშევრების გამოფენა

ბავშვთა ნამუშევრების გამოფენა

ბავშვთა ნამუშევრების გამოფენა

ბავშვთა ნამუშევრების გამოფენა

ნეტგაზეთის მასალების სხვა გამოცემებში გადაბეჭდვის წესი
ავტორი
გულნარა კაკაბაძე არის "ბათუმელების" სტაჟიორი