Batumelebi | ერთიან ეროვნულ გამოცდებში განსაკუთრებული საჭიროების მქონე პირთა მონაწილეობა იზრდება ერთიან ეროვნულ გამოცდებში განსაკუთრებული საჭიროების მქონე პირთა მონაწილეობა იზრდება – Batumelebi
RU | GE  

ერთიან ეროვნულ გამოცდებში განსაკუთრებული საჭიროების მქონე პირთა მონაწილეობა იზრდება

 

 

არასამთავრობო ორგანიზაციამ „შეზღუდული შესაძლებლობების მქონე პირთა უფელბებისათვის” დემოკრატიული ჩართულობის ცენტრში ბრიფინგი გამართა. ორგანიზაციის თავმჯდომარის თამაზ მჟავანაძის განცხადებით ბათუმის შოთა რუსთაველის სახელმწიფო უნივერსიტეტში განსაკუთრებული საჭიროების მქონე აბიტურიენტთა რაოდენობა წელს გაიზარდა. 

 

თამაზ მჟავანაძე

 

 

„განათლების სამინისტროს მონაცემებით აჭარის მასშტაბით 341 განსაკუთრებული საჭიროების მქონე მოსწავლეა. წინა წლებთან შედარებით წელს იმატა განსაკუთრებული საჭიროების მქონე აბიტურიენტების რიცხვმა. როგორც ჩვენთვის ცნობილია ამ ეტაპზე ოთხი აბიტურიენტია, მათ შორის ერთი მაგისტრი“ – აღნიშნა თამაზ მჟავანაძემ.

 

“მაგრამ ამ ადამიანებმა თუ ჩააბარეს, სად უნდა წავიდნენ?”  – კითხულობს ორგანიზაციის თავმჯდომარე.

 

„არ არის მზად არც ერთი უნივერსიტეტი მათ მისაღებად. არ არის ადაპტირებული სველი წერტილები, აუდიტორიები, არ არის მატერიალურ-ტექნიკური ბაზა. სწორედ ამას ვითხოვთ რომ გამოსწორდეს, მით უმეტეს, რომ განსაკუთრებული საჭიროების მქონე პირებისგან უკვე შეინიშნება უმაღლესი განათლების მიღების სურვილი“.

 

ორგანიზაცია სამოვალოდ აპირებს განათლების სამინისტროს მიმართოს და განსაკუთრებული საჭიროების მქონე პირების ერთიან ეროვნულ გამოცდებში მონაწილეობისთვის ადაპტირებული გარემოს შექმნის საკითხებზე საკუთარი ინიციატა და მიდგომები გააცნოს.

 

ბრიფინგის შემდეგ ორგანიზაციის თავმჯდომარემ თამაზ მჟავანაძემ სამ დღიან ტრენინგში „ერთად ვისწავლოთ პროექტების წერა“ მონაწილე სტუდენტებს სერტიფიკატები გადასცა.

ნეტგაზეთის მასალების სხვა გამოცემებში გადაბეჭდვის წესი
ნინო ხიმშიაშვილი