საერთაშორისო კონფერენცია ბსუ-ში [ანონსი]

27 მაისს ბათუმის შოთა რუსთაველის სახელობის სახელმწიფო უნივერსიტეტში საერთაშორისო კონფერენცია – European Students for Liberty (ESFL) ჩატარდება. კონფერენციას კავკასიის რეგიონში უდიდესი ორგანიზაცია Georgian Students for Liberty უმასპინძლებს.

საქართველოში კონფერენცია მეოთხედ ტარდება, აქამდე ის თბილისში ტარდებოდა.

კონფერენცია ინგლისურ ენაზე წარიმართება, ქართველ სპიკერებთან ერთად, ამერიკიდან და ლიტვიდან მოწვეული სპიკერები თანამედროვე საზოგადოების პრობლემებზე ისაუბრებენ, მათ შორის მთავრობის როლზე სოციუმის თავისუფლებაზე, ინდივიდუალური თავისუფლების მნიშვნელობაზე, ლიბერალური იდეებს გააზრებაზე და ა.შ.

კონფერენციაზე დასწრება ნებისმიერი მსურველისათვის თავისუფალია, საჭიროა მხოლოდ რეგისტრაციის გავლა ღონისძიების ოფიციალურ საიტზე.

კონფერენციის დასასრულს, ყოველი დამსწრე საჩუქრად ბროშურებს, წიგნებსა და სასწავლო მასალებს მიიღებს.