10 მაისს, საღამოს 9 საათიდან, ბათუმში მოსალოდნელია ძლიერი ქარი და შტორმი ზღვაზე. გარემოს ეროვნული სააგენტოს აჭარის რეგიონალური ჰიდრომეტეოროლოგიურ ობსერვატორიაში „ბათუმელებს“ უთხრეს, რომ სანაპირო ზოლში იქროლებს სამხრეთ-დასავლეთის ქარი 10-15 მეტრი წამში, ხოლო დროგამოშვებით 17-22 მეტრი წამში.
სინოპტიკოსების პროგნოზით, მოსალოდნელია წვიმა და შტორმიც, რომლის სიმძლავრეც 4-5 ბალი იქნება.
რაც შეეხება ტემპერატურას, ხვალ, 11 მაისს, სანაპირო ზოლში 16-21 გრადუსი სითბო იქნება დღისით, ღამით – 10-15. მთაში 10-15 გრადუსი სითბო შენარჩუნედება, ღამით კი – 3-8 გრადუსი სითბო. სინოპტიკოსები ხვალ, საღამოს 9 საათამდე ძლიერი წვიმის შენარჩუნებას ვარაუდობენ.
ობსერვატორიის მონაცემებით, სანაპირო ზოლში შაბათ-კვირას მზიანი ამინდი იქნება. ორშაბათიდან ისევ იწვიმებს.
