ბათუმის შოთა რუსთაველის უნივერსიტეტში პარიზის, ანკარის, სტამბულისა და დანიის უნივერსიტეტის მეცნიერები მდინარეთა ეკონომიკური რესურსებისა და პოტენციალის კვლევის საკითხებზე მუშაობენ.
უნივერსიტეტში გამართულ რიგით მეორე სამუშაო შეხვედრაზე, მეცნიერებმა მოხსენებები წარმოადგინეს მდინარეების გონივრული გამოყენების შემთხვევებზე, უძველესი წყლის წისქვილიდან თანამედროვე კაშხლების ჩათვლით. ასევე, საირიგაციო სისტემებისა და ურბანული წყალმომარაგების საკითხებზე.
უნივერსიტეტის პრესსამსახურის ინფორმაციით, მეცნიერებმა ყურადღება გაამახვილეს თევზჭერის როგორც უძველეს, ისე თანამედროვე მეთოდებზე. შემდეგ კი გაიმართა გამოფენა – „ანატოლიის სანაპირო დასავლეთსა და აღმოსავლეთს შორის“.
ქართველი და უცხოელი მეცნიერები ბსუ-ში მდინარეთა გონივრულ გამოყენებაზე მსჯელობენ
დღეს 6 მაისს კი, მეცნიერებს საველე გასვლები აქვთ დაგეგმილი ფაზი-რიონის ხეობაში. მეცნიერთა სამუშაო შეხვედრა პროექტის – „ანატოლიის მდინარეები აღმოსავლეთსა და დასავლეთს შორის კავშირები და საზღვრები ადამიანთა ურთიერთობის გეოგრაფიული, ეკონომიკური და კულტურული პერსპექტივების“ ფარგლებში მიმდინარეობს.
პირველი სამუშაო შეხვედრა 2016 წელს ბილკენტის (ანკარა) უნივერსიტეტში გაიმართა, სადაც მეცნიერებმა განიხილეს ანატოლიის რეგიონის მდინარეთა გეოგრაფიული ფუნქცია სხვადასხვა ისტორიულ კონტექსტში.
მესამე შეხვედრა კი 2017 წელს ანატოლიის კვლევის ფრანგულ ინსტიტუტში გაიმართება თემაზე – „მდინარეთა კულტურული ასპექტების კვლევა“, რაც მოიცავს მითოლოგიის, რელიგიისა და ჰიდროლოგიის კულტურათა შორის ურთიერთობების საკითხებს.
გამოფენა ბსუ-ში – „ანატოლიის სანაპირო დასავლეთსა და აღმოსავლეთს შორის“.
