აგროპროექტების მართვის ცენტრი ახალი ავტომანქანის შეძენას აპირებს, რაშიც ეს უწყება მაქსიმუმ 50 ათას 300 ლარს გადაიხდის. ტენდერი 4 მაისს გამოცხადდა და წინადადების მიღება 24 მაისს დასრულდება. ააიპ „აგროპროექტების მართვის ცენტრი“ აჭარის სოფლის მეურნეობის სამინისტრომ, გასული წლის დეკემბერში დააფუძნა.
სატრენდერო დოკუმენტაციის მიხედვით, ავტომანქანა 2016 წელს უნდა იყოს გამოშვებული, მე-3 კლასის, ახალი, ექსპლუატაციაში არ მყოფი, მსუბუქი და მაღალი გამავლობის მქონე. ტენდერის აუცილებელ მოთხოვნებში წერია, რომ ავტომანქანას უნდა ჰქონდეს კონდიცირების, ასევე აუდიოსისტემა. აგროპროექტების მართვის ცენტრმა ახალი ავტომანქანის ფერიც აუცილებელ მოთხოვნებში ჩაწერა – თეთრი ან ვერცხლისფერი.
რაც შეეხება ავტომანქანის მოდელს, სატენდერო პირობებით იგი გათვალისწინებული არ არის. „პრეტენდეტი ვალდებულია ფასების ცხრილში მიუთითოს საქონლის წარმოშობის ქვეყანა, მწარმოებელი კომპანია და მოდელი“, – წერია სატენდერო დოკუმენტაციაში.
