Batumelebi | საკონსტიტუციო ცვლილებების პროექტის განხილვა ბათუმის უნივერსიტეტში საკონსტიტუციო ცვლილებების პროექტის განხილვა ბათუმის უნივერსიტეტში – Batumelebi
RU | GE  

საკონსტიტუციო ცვლილებების პროექტის განხილვა ბათუმის უნივერსიტეტში

8 მაისს, ორშაბათს, 12 საათზე, ბათუმის რუსთაველის უნივერსიტეტის სააქტო დარბაზში საკონსტიტუციო ცვლილებების პროექტის საერთო განხილვა გაიმართება. განხილვას სახელმწიფო საკონსტიტუციო კომისია გეგმავს.

არასამთავრობო ორგანიზაცია „საერთაშორისო გამჭვირვალობა საქართველოს“ ბათუმის წარმომადგენლობის ხელმძღვანელის, მალხაზ ჭკადუას თქმით, საკონსტიტუციო ცვლილებების პროექტის განხილვაზე საზოგადოების აქტიურობა ძალიან მნიშვნელოვანია:

„ყველა დაინტერესებული მხარის – მოქალაქეების, პროფესიული წრეების, მედიის, არასამთავრობო ორგანიზაციების, პოლიტიკური პარტიების წარმომადგენლების დასწრება არათუ სასურველია, ვფიქრობ, აუცილებელია, რადგან კომისიამ და გადაწყვეტილების მიღებაზე პასუხისმგებელმა მმართველმა გუნდმა, რაც შეიძლება კრიტიკული და მრავალფეროვანი მოსაზრებები მოისმინოს და გაიზიაროს“-ამბობს მალხაზ ჭკადუა.

საკონსტიტუციო პროექტში ყველაზე მნიშვნელოვანი სამსჯელო საკითხები – პარლამენტის საარჩევნო სისტემა და პრეზიდენტის არჩევის წესი განიხილება.

„საერთაშორისო გამჭვირვალობა საქართველოს“ მოსაზრებებს საკონსტიტუციო ცვლილებების პროექტის მოსამზადებლად მომუშავე კომისიასა და თავად პროექტზე, შეგიძლიათ გაეცნოთ ამ ბმულზე. 

ნეტგაზეთის მასალების სხვა გამოცემებში გადაბეჭდვის წესი
ავტორი
ლელა დუმბაძე, ჟურნალისტი. ტელ: [0042] 27 45 12. lelabatumelebi@gmail.com