Batumelebi | ახალი წიგნები მაკულატურის ნაცვლად – აქცია ბათუმში ახალი წიგნები მაკულატურის ნაცვლად – აქცია ბათუმში – Batumelebi

ახალი წიგნები მაკულატურის ნაცვლად – აქცია ბათუმში

4-5 მაისს ბათუმში, „ბიბლუსის“ მაღაზიაში, მემედ აბაშიძის #62-ში, აქცია გაიმართება, რომელიც მაკულატურის ახალ წიგნებში გაცვლას გულისხმობს. ღონისძიება პროექტ  „მაკულიტერატურის“ ფარგლებში ხორციელდება.

პროექტის ფარგლებში, მოსახლეობა შეძლებს ჩააბაროს ძველი წიგნები, ჟურნალ-გაზეთები, რვეულები, სანაცვლოდ კი, ადგილზე აირჩიოს გამომცემლობა „პალიტრა L”-ის ახალი წიგნები. 1 კილოგრამ ჩაბარებულ მაკულატურაზე მომხმარებელი 1 ქულას მიიღებს, ანუ ერთ „ნერგს“. ყველა წიგნს მინიჭებული აქვს შესაბამისი „ნერგის” რაოდენობა, რომელიც 4-დან 100 „ნერგამდე“ მერყეობს.

მაკულატურის ჩაბარება შესაძლებელი იქნება 11:00-დან 18:00 სთ-მდე.

ბათუმში მაკულატურის ჩაბარება ასევე შესაძლებელია დ. აღმაშენებლის 52 ნომერში, ყოველ დღე, კვირის გარდა.

ნეტგაზეთის მასალების სხვა გამოცემებში გადაბეჭდვის წესი
ავტორი
ნანა კვაჭაძე, ჟურნალისტი ელფოსტა: kvachadze.n@gmail.com