ნეტგაზეთი • RU

ფსიქიატრიულის ახალი საიზოლაციო ოთახები გისოსების გარეშე

ბათუმის ფსიქიატრიულში მისულ პაციენტებს გისოსებიან ოთახებში აღარ მოათავსებენ. საიზოლაციო პალატები უკვე ბრონირებული მინით და შესაბამისი ტექნიკითაა აღჭურვილი.

ფსიქიატრიულ დაწესებულებაში მისული პაციენტი პირველად საიზოლაციო ოთახში ხვდება რამდენიმე საათის განმავლობაში, ვიდრე სამედიცინო პერსონალი კონკრეტული მიმართულებით მკურნალობას განსაზღვრავს. მამაკაცთა და ქალთა საიზოლაციო ოთახების კარიც და ფანჯარაც აქამდე რკინის გისოსებში იყო ჩასმული, რასაც დამამცირებელ მოპყრობად აფასებდა სახალხო დამცველი.

ფსიქიატრიული საავადმყოფოს ადმინისტრაციაში ადასტურებენ, რომ ომბუდსმენის შენიშვნა პირველ რიგში გაითვალისწინა ინვესტორმა და შენობის რეაბილიტაცია საიზოლაციო ოთახებიდან დაიწყო. ფსიქიატრიულ საავადმყოფოში ახალი ტექნიკით ასევე აღიჭურვა სამრეცხაო, მოეწყო ბიბლიოთეკა.

ბათუმის ფსიქიატრიული საავადმყოფო გასული წლის ბოლოს გასხვისდა. დაწესებულება 2 მილიონ 500 ათას ლარად შპს Health Care Group-მა შეიძინა. მან სამი წლის განმავლობაში ერთი მილიონი ლარის ინვესტიცია უნდა განახორციელოს. ინვესტორი ვალდებულია, საავადმყოფოს პროფილი 50 წლით შეინარჩუნოს.

 

 

IMG_20170424_130553

ახალი საიზოლაციო ოთახები ბათუმის ფსიქიატრიულ საავადმყოფოში

fsiqitariuli 2

 

fsiqiatriuli 4

საიზოლაციო ოთახი გარემონტებამდე ბათუმის ფსიქიატრიულ საავადმყოფოში

 

IMG_20170424_132102

ახალი სამრეცხაო ბათუმის ფსიქიატრიულ საავადმყოფოში

 

IMG_20170424_131450

ბიბლიოთეკის ჭერი ფსიქიატრიული საავადმყოფოს პაციენტებმა თავად მორთეს, პაციენტთა ხელნაკეთია ჭაღიც.

IMG_20170424_131639

IMG_20170424_131509

 

ნეტგაზეთის მასალების სხვა გამოცემებში გადაბეჭდვის წესი
ავტორი