გონიოში ამ წუთებში ბათუმი-სარფის დამაკავშირებელი ცენტრალური მაგისტრალი გადაკეტილია. გონიოში მცხოვრები 200-მდე ოჯახი კუთვნილი მიწების დაბრუნებას ითხოვს. აქციაზე გონიოს მცხოვრებნი ბავშვებთან ერთად არიან მისულნი.
ადგილზე მობილიზებულია პოლიცია. საპროტესტო აქციის მონაწილეები დაშლას არ აპირებენ.
13:50 გონიოში აქციის მონაწილეებთან აჭარის საპატრულოს უფროსი მივიდა. აქციის მონაწილეებთან იმყოფებიან აჭარის მთავრობის წარმომადგენლებიც. გზა ისევ გადაკეტილია. აქციის მონაწილეებმა გადაადგილების უფლება მხოლოდ სასწრაფო დახმარების მანქანებს მისცეს. გონიოს მცხოვრებთა მოთხოვნებზე განცხადება გააკეთა აჭარის მთავრობის თავმჯდომარემ არჩილ ხაბაძემ და აქციის მონაწილეებს გზის გახსნისაკენ მოუწოდა. მთავრობის თავმჯდომარის თქმით, შეიქმნება კომისია, რომელიც მიწების დაბრუნების საკითხს შეისწავლის.
