მთავარი,სიახლეები

ევროპული გაზაფხულის ხმა – მუსიკის ფესტივალი ბათუმში

10.04.2017 • 2276
ევროპული გაზაფხულის ხმა – მუსიკის ფესტივალი ბათუმში

ბათუმის მუსიკალური ცენტრის ინფორმაციით, 21 აპრილიდან 25 აპრილის ჩათვლით ბათუმში მუსიკალური ფესტივალი – European Spring Sound-ი გაიმართება. 21 აპრილს ფესტივალი გაიხსნება ქართული ფოლკლორით, სადაც წარმოდგენილი იქნება აჭარული, აფხაზური, ლაზური, ოსური პერფომანსები.

22 აპრილს  უკრაინული ჯგუფი  LUIKU დაუკრავს;

23 აპრილი – როკის დღე  – Tim Ripper Owens (ex-Judas priest), Doogie White (ex-Rainbow);

24 აპრილი – იმრე კალმანი „ჩარდაშის დედოფალი“ – უნგრეთის თეატრის სოლისტები, უნგრეთის სახელმწიფო სიმფონიური ორკესტრი, ბუდაპეშტის ცეკვის აკადემიის კორდებალეტი;

ფესტივალს 25 აპრილს   70-იანი წლების ცნობილი როკჯგუფი NAZARETH-ი დახურავს.

ბილეთის მინიმალური ფასი 10 ლარი იქნება, მაქსიმალური – 20 ლარი.

მუსიკალური ცენტრის ინფორმაციით, მუსიკის ფესტივალის ჩატარება  მთავრობის ინიციატივაა და ტურისტული სეზონის წინა წლებთან შედარებით უფრო ადრე დაწყებას უკავშირდება.

მუსიკალური ცენტრის ადმინისტრაციის ინფორმაციით, ფესტივალის ფარგლებში ჰონორარი 59 არტისტისთვის არის გათვალისწინებული, რაც მთლიანობაში 136 000 ლარს შეადგენს.  „ფესტივალის სხვა ხარჯების დაზუსტება შესაძლებელი იქნება გაწეული ფაქტობრივი ხარჯის შესაბამისად, მიღება-ჩაბარების აქტის საფუძველზე“.

 

გადაბეჭდვის წესი


ასევე: