Batumelebi | უმაღლეს საბჭოს დადგენილების გაბათილება სააპელაციო სასამართლომაც დაავალა უმაღლეს საბჭოს დადგენილების გაბათილება სააპელაციო სასამართლომაც დაავალა – Batumelebi
RU | GE  

უმაღლეს საბჭოს დადგენილების გაბათილება სააპელაციო სასამართლომაც დაავალა

 

ქუთაისის სააპელაციო სასამართლომ ძალაში დატოვა ბათუმის საქალაქო სასამართლოს გადაწყვეტილება აჭარის ტელევიზიის სამეთვალყურეო საბჭოში ორი წევრის უკანონოდ არჩევის თაობაზე. 

 

სიას აჭარის ფილიალის თავმჯდომარის, გია ქარცივაძის ინფორმაციით, სასამართლომ ბათილად ცნო უმაღლეს საბჭოს დადენილება აჭარის ტელევიზიაში ვახტანგ ღლონტისა და ოლღა ჟღენტის არჩევის ნაწილში და დაავალა უმაღლეს საბჭოს გამოსცეს დადგენილება ბეჟან გობაძის დანიშვნის თაობაზე.

დღეს, ბათუმის საქალაქო სასამართლოს ასევ უნდა განეხილა აჭარის ტელევიზიის სამეთვალყურეო საბჭოს წევრობის კიდევ ერთი კანდიდატურის, ირაკლი დარცმელიძის სარჩელი. ის, ისე როგორც ბეჟან გობაძე, ტელევიზიის სამეთვალყურეო საბჭოში „ნაციონალურმა მოძრაობამ“ წარადგინა.

ოპოზიციის წარდგენილ კანდიდატურებს უმრავლესობამ არ დაუჭირა მხარი. უფრო მეტიც, კანონის მიხედვით უმცირესობისთვის გამოყოფილ ორ ადგილზე თავიანთი კანდიდატურები წარადგინეს – ვახტანგ ღლონტისა და ოლიკო ჟღენტის სახით და დაამტკიცეს კიდეც.

ირაკლი დარცმელიძის სარჩელის განხილვა 7 აპრილს გაგრძელდება ბათუმის სასამართლოში.

გია ქარცივაძის თქმით, უმაღლესი საბჭო აპირებს ქუთაისის სააპელაციო სასამართლოს გადაწყვეტილების გასაჩივრებასაც – საქართველოს უზენეს სასამართლოში.

აჭარის ტელევიზიის 5 წევრიანი საბჭო კი ამ დროისთვის სამი წევრით აგრძელებს საქმიანობას.

ნეტგაზეთის მასალების სხვა გამოცემებში გადაბეჭდვის წესი
"ბათუმელები"