ბათუმში, ვახტანგ ჭაბუკიანის სახელობის კლასიკური ბალეტის სკოლაში, თბილისიდან მოწვეული პედაგოგი ტატიანა ბახტაძე და კონცერტმეისტერი ელენა ლილიუკოვა 22 მარტამდე ჩაატარებენ მასტერკლასებს პროფილურ საგანში – „ხალხურ-სცენური ცეკვა“.
პროექტის მიზანია პედაგოგების კვალიფიკაციისა და პროფესიული დონის ამაღლება, მოსწავლეთა შემოქმედებითი უნარ-ჩვევების განვითარება. მასტერკლასებში მონაწილეობას მიიღებენ მე-3, მე-4, მე-5, მე-6 და მე-7 კლასის მოსწავლეები. დაახლოებით გადამზადდება 30 მოსწავლე, 4 პედაგოგი და 4 კონცერტმეისტერი.
სპეციალისტები აჭარის განათლების, კულტურისა და სპორტის სამინისტროს ფინანსური მხარდაჭერით იქნა მოწვეული.
