Batumelebi | ახალი შეთავაზება ანსამბლის წევრებს ახალი შეთავაზება ანსამბლის წევრებს – Batumelebi
RU | GE  

ახალი შეთავაზება ანსამბლის წევრებს

 

აჭარის კულტურის სამინისტროს წარმომადგენლებმა ბათუმის  სიმღერისა და ცეკვის სახელმწიფო ანსამბლის გაფიცულ მოცეკვავეებთან შეხვედრა გამართეს. აჭარის განათლებისა და კულტურის მინისტრის მოადგილემ ლადო მგალობლიშვილმა აქციის წევრებს,  რომლებიც  ორი კვირაა პროტესტის ნიშნად შიმშილობენ,  ახალი შეთავაზება გააცნო. 

 

 

 

 

 „თემურ ქორიძე ამბობს, რომ მას ადმინისტრაციული თანამდებობა არ აინტერესებს. მას უნდა, რომ ჰქონდეს დამოუკიდებლად ცეკვის დადგმის უფლება, ამიტომ ჩვენ ვთავაზობთ დირექტორის მოადგილეობას გაფართოებული უფლებით, სადაც მას ექნება ანსამბლთან წვდომა და მეორე – შევთავაზეთ მოწვეული ქორეოგრაფის თანამდებობა,  ინოვაციური მიმართულებით, რომელსაც  ექნება ცეკვის დამოუკიდებლად დადგმის უფლება“.

 

ამ შეთავაზებამდე აჭარის კულტურის სამინისტრომ  ანსამბლის წევრებს  თემურ ქორიძის დირექტორის მოადგილედ  დანიშვნა  და ანსამბლის მთავარი ქორეოგრაფობა შესთავაზა, თუმცა, ანსამბლის წევრებმა იმ მოტივით, რომ ამ თანამდებობიდან თემურ ქორიძე  ვერ განახორციელებდა ცეკვების დამოუკიდებლად დადგმას, შეთავაზებაზე უარი განაცხადეს.

 

 

დღევანდელ შეთავაზებაზე კი განათლებისა და კულტურის სამინისტრო ანსამბლის წევრებისგან პასუხს წერილობით მიიღებს.    

 

 

შეხვედრა ხელოვნების სასწავლო უნივერსიტეტში შედგა და მას საქართველოს ქორეოგრაფიულ კავშირის  წევრებიც ესწრებოდნენ.

 

 

ლადო მგალობლიშვილი მოცეკვავეებთან შეხვედრაზე

 

 

ნეტგაზეთის მასალების სხვა გამოცემებში გადაბეჭდვის წესი
ნინო ხიმშიაშვილი