შეკვეთილში, დენდროლოგიურ პარკში მორიგი მრავალწლოვანი ხე გადატანისას მახინჯაურის სანაპიროსთან ნაწილობრივ ზღვაში ჩაუვარდათ. ხე, რომელიც ყოფილი სანატორიუმ „კოლხიდას“ ტერიტორიაზე ამოიღეს, შპს „გზას“ გადააქვს.
ამ დროისთვის მიმდინარეობს დროებითი გზის მიყვანა ბარჟამდე, რათა ხესთან შესაბამისი ტექნიკა მივიდეს და ტვირთი ბარჟაზე ისე განთავსდეს, რომ მისი ზღვით ტრანსპორტირება შესაძლებელი გახდეს.
დენდროლოგიურ პარკს შეკვეთილში ყოფილი პრემიერი, ბიძინა ივანიშვილი აშენებს.
ხე, რომელიც მახინჯაურიდან შეკვეთილში გადაჰქონდათ, ბარჟიდან ნაწილობრივ ზღვაში ჩაუვარდათ / 31.03.2017 / არჩილ კახაძის ფოტოები
ამავე თემაზე: აჭარის ფინანსთა მინისტრის განმარტება ხეების მოჭრასთან დაკავშირებით
