Batumelebi | ვიზალიბერალიზაციაზე ვიდეორგოლში მთავრობა 130 ათას ლარს გადაიხდის ვიზალიბერალიზაციაზე ვიდეორგოლში მთავრობა 130 ათას ლარს გადაიხდის – Batumelebi
RU | GE  

ვიზალიბერალიზაციაზე ვიდეორგოლში მთავრობა 130 ათას ლარს გადაიხდის

საქართველოს მთავრობა ვიზალიბერალიზაციის პროცესის დასრულებასთან დაკავშირებულ  ვიდეორგოლში ბიუჯეტიდან 130 ათას 95 ლარს გადაიხდის. მთავრობა ვიდეორგოლს გამარტივებული წესით შეისყიდის, რაზეც თანხმობა შესყიდვების სააგენტომ 30 მარტამდე უნდა მისცეს.

მთავრობის განცხადებით, ვიდეორგოლის მომზადების მიზანია ვიზალიბერალიზაციის პროცესის წარმატებით დასრულების შემდეგ ქვეყნის მოსახლეობისათვის მიღწეული შედეგების გაცნობა და აღნიშნულის შესახებ საზოგადოების ინფორმირებულობის დონის ამაღლება საქართველოს ევროინტეგრაციის პროცესში მიღწეული წარმატეტების შესახებ

klipp„ვიზალიბერალიზაციის ამოქმედების ზუსტი თარიღი წინასწარ არ იყო ცნობილი და მხოლოდ აღნიშნულის გარკვევის შემდეგ იქნა მიღებული გადაწყვეტილება, ვიზალიბერალიზაციის პროცესის შესახებ საზოგადოების აქტიურ ინფორმირებაზე. გამომდინარე იქიდან, რომ ვიდეორგოლი ტელესივრცეში უნდა განთავსდეს ვიზალიბერალიზაციის ამოქმედებისთანავე, ელექტრონული ტენდერის საშუალებით შესყიდვის განხორციელება გამოიწვევს თარიღის გადაწევას საშუალოდ 40 დან 60 კალენდარულ დღემდე. აღნიშნული პერიოდის შემდეგ ღონისძიების განხორციელება დაკარგავს ძირითად მიზანს.“ – აცხადებს საქართველოს მთავრობა.


საქართველოს მოქალაქეებისთვის ევროკავშირთან უვიზო მიმოსვლა დღეს, 28 მარტს ამოქმედდა

ნეტგაზეთის მასალების სხვა გამოცემებში გადაბეჭდვის წესი
ავტორი
თედო ჯორბენაძე, ჟურნალისტი მობ.: 599 139 412 ელ/ფოსტა: tedobatumi@gmail.com