სიახლეები

აჭარაში ცნობილ ადამიანებს ეკლესიის ეზოში დაკრძალავენ

24.03.2017 • 5755
აჭარაში ცნობილ ადამიანებს ეკლესიის ეზოში დაკრძალავენ

აჭარაში პანთეონი არ არსებობს, თუმცა რამდენიმე ცნობილი ადამიანის საფლავი ბათუმის ღვთისმშობლის შობის საკათედრო ტაძრის ეზოშია. ბათუმში, ეკლესიის ეზოში გამოჩენილი ადამიანების დაკრძალვის იდეა საქართველოს მართლმადიდებელი ეკლესიის საპატრიარქოს ეკუთვნის. ამჟამად ეკლესიის ეზოში დაკრძალულია ფრიდონ ხალვაში, ზურაბ გორგილაძე და ანდრია [აზიზ] ახვლედიანი.

„ეს იყვნენ გამორჩეული პირები, რომელთაც ღვაწლი გასწიეს ჩვენი კუთხისა და ქვეყნის კეთილდღეობისათვის. ეკლესიამ და კომისიის წევრებმა მიზანშეწონილად მიიჩნიეს მათი სამუდამო განსასვენებელი ყოფილიყო ისეთი საპატიო საპატიო ადგილი, როგორიცაა ბათუმის ღვთისმშობლის შობის ეკლესიის ტაძარი. თუ კიდევ იქნებიან ასეთივე ღირსეული და გამოჩენილი პირები, მათი დაკრძალვაც მოხდება ამ ადგილას. ეს წყდება საპატრიარქოში, ეკლესიაში, ოჯახთან შეთანხმებით“, – განაცხადა „ბათუმელებთან“ დეკანოზმა იოანე გორელიშვილმა.

ცნობილი ადამიანების დაკრძალვის ადგილის საკითხი ბოლო კვირის მანძილზე გააქტიურდა. თბილისში, სადაც სამი პანთეონია, დედაქალაქის მერიამ მახათას მთაზე ახალი პანთეონის მოწყობა განიზრახა, თუმცა  კულტურის მუშაკთა ნაწილი განაწყენებული დარჩა, რადგან მათთვის ეს ადგილი არ არის მისაღები.

მსოფლიოში არსებული 15 პანთეონიდან  სამი პანთეონი თბილისშია.

ამავე თემაზე: 

ათასი გენიოსი სად ჰყავდა საქართველოს? – ინტერვიუ ლევან ბერძენიშვილთან პანთეონის საკითხზე

 

გადაბეჭდვის წესი


ასევე: