დღეს აჭარის სიმღერისა და ცეკვის სახელმწიფო ანსამბლის წევრებმა მთავრობის სასახლის წინ საპროტესტო აქცია გამართეს. ანსამბლის დირექტორმა ოთარ მიქელაძემ 32 მოცეკვავე გაანთავისუფლა სამსახურიდან. განტავისუფლებული მოცეკვავეები ლოზუნგებითა და შეძახილებით ითხოვენ საკუთარი უფლებების დაცვასა და შეხვედრას დირექტორთან. გარდა ამისა მათი მოთხოვნაა დაბრუნდეს ძველი ხელმძღვანელი.
აქციის ერთ–ერთი მონაწილე ნათია მოისწრაფიშვილი ამბობს, რომ ისინი უკვე შეხვდენენ მთავრობის წარმომადენელ ირაკლი ჭეიშვილს, რომელიც მათ დახმარება აღუთქვა, თუმცა მას შემდეგ არ გამოჩენილა – ”ჩვენ ვცადეთ დაკავშირება ბატონ ოთარ მიქელაძესთან მაგრამ უშედეგოდ”.
კიდევ ერთი გათავისუფლებული მოცეკვავის მარიკა ფარტენაძის თქმით – მთავრობა არაკანონიერად იქცევა და ასეთი უყურადღებობის გაგრძელების შემთხვევაში ისინი საპროტესტო აქციებს კვლავ გააგრძელებენ.
