Batumelebi | საქართველოს ერთიანობისთვის დაღუპულთა ხსოვნის დღე ბათუმში [ფოტო] საქართველოს ერთიანობისთვის დაღუპულთა ხსოვნის დღე ბათუმში [ფოტო] – Batumelebi
RU | GE  

საქართველოს ერთიანობისთვის დაღუპულთა ხსოვნის დღე ბათუმში [ფოტო]

დღეს, 23 მარტს, საქართველოს ერთიანობისთვის დაღუპულ გმირთა სკვერში, აჭარის მთავრობის წარმომადგენლებმა და მოქალაქეებმა, 1921 წლის მარტში დაღუპული ქართველი მებრძოლები გაიხსენეს და მათ საფლავზე მემორიალური ქვა გვირგვინითა და ყვავილებით შეამკეს.

1921 წლის მარტში, საქართველოს გასაბჭოების შემდეგ, თურქეთის საჯარისო ნაწილებმა ბათუმის ოლქი დაიკავეს. ქართველმა გენერალმა გიორგი მაზნიაშვილმა თურქეთის საჯარისო ნაწილების მიერ დაკავებული ბათუმი გაათავისუფლა.

საქართველოს ერთიანობისთვის დაღუპულთა საფლავის ძიება და გათხრები 1990 წლის მაისში დაიწყო. ათკაციანი ჯგუფი ქალაქის ცენტრალურ მოედანზე ერთი თვის განმავლობაში მუშაობდა. გათხრების შედეგად აღმოჩენილია საბრძოლო იარაღი, ნივთები და გარდაცვლილთა ცხედრები.

ბათუმის გათავისუფლებისთვის ბრძოლაში დაღუპულ მებრძოლთა დღე ყოველი წლის 23 მარტს აღინიშნება.

დეკანოზმა თევდორე ახალაძემ დაღუპულთა სულების მოსახსენიებელი პანაშვიდი გადაიხადა.


ნეტგაზეთის მასალების სხვა გამოცემებში გადაბეჭდვის წესი
ავტორი
ია ფრანგიშვილი არის გაზეთ "ბათუმელების" რეპორტიორი 2014 წლიდან