გონიოს გზის განაპირას, სასტუმროს მშენებლობის გამო, თვითმხილველების თქმით, 30-მდე ევკალიპტის ასწლოვანი ხე მოჭრეს. როგორც ერთ-ერთი მოქალაქის ლაივ ვიდეოში მიწის მფლობელი ორგანიზაცია Emrag Inşaat-ის წარმომადგენელი ამბობს, ხეების მოჭრაზე მათ შესაბამისი ნებართვა გააჩნიათ. მისივე თქმით, სასტუმროს პროექტიც მალე დასრულდება, რის შემდეგაც მერიაში მშენებლობის ნებართვაზე აპირებენ განაცხადის შეტანას. როგორც ვიდეოდან ირკევა, ამ ადგილზე მაქსიმუმ ხუთსართულიანი სასტუმროს მშენებლობა იგეგმება.
ბათუმის გამწვანებისა და ლანდშაფტური დაგეგმარების სამსახურში განგვიმარტეს, რომ ეს ხე-მცენარეები კერძო საკუთრებაშია და კანონის თანახმად, გამწვანების სამსახურს არ შეუძლია მათ ამ ხეების მოჭრის გამო ვინმეს დაჯარიმება შეძლონ.
