აქცია აჭარის პოლიციის დეპარტამენტის შენობასთან დასრულდა. სპეცრაზმი სხვადასხვა უბანში გადანაწილდა, პოლიცია აქციის მონაწილეებს ეძებს, რომელთაც 11 მარტს ღამით და 12 მარტს, გამთენიისას დაარბიეს პოლიციის შენობის მიმდებარე ტერიტორია, დააზიანეს შუქნიშნები, საგზაო ნიშნები, ბორდიურები, ფილაქანი, დაწვეს პოლიციის და სამოქალაქო პირთა მანქანები.
ამ დროისათვის აქციის ადგილას მობილიზებულია ბათუმის სახანძრო სამსახური, სპეცტექნიკა და სანდასუფთავების თანამშომლები, რომლებიც ქუჩას ასუფთავებენ. ადგილზე იმყოფება ქალაქის მერი, გიორგი ერმაკოვი, რომლის განცხადებითაც დაზიანებული ქუჩის დასუფთავება გათენებამდე უნდა მოხდეს.
