Batumelebi | კახი კალაძის შეფასებას ბათუმის საკრებულოს თავმჯდომარის მოადგილე ეხმაურება კახი კალაძის შეფასებას ბათუმის საკრებულოს თავმჯდომარის მოადგილე ეხმაურება – Batumelebi
RU | GE  

კახი კალაძის შეფასებას ბათუმის საკრებულოს თავმჯდომარის მოადგილე ეხმაურება

 

ბათუმის საკრებულოს თავმჯდომარის პირველი მოადგილე ჯუმბერ კახიძე საქართველოს ენერგეტიკის მინისტრისა და ვიცე- მერის კახი კალაძის მიერ ბათუმის მერის თანამდებობიდან წასვლის შეფასებას გამოეხმაურა და მინისტრის ვარაუდს, რომ ბათუმის მერის გადადგომა მოსახლეობის უკმაყოფილებით იყო გამოწვეული, არ დაეთანხმა.

 

„მინისტრის განცხადებით,  დეკემბრის თვეში, როცა ელექტროენერგია არ იყო, ქალაქი ბათუმი დაემსგავსა 90-იანი წლების ბათუმს. ვეთანხმები, მაშინ ნამდვილად hგავდა 90-იანი წლების ბათუმს, ოღონდ არა იმის გამო, რომ რომელიღაც ქუჩა  არ იყო გაწმენდილი, არამედ უშუქობის გამო, როცა ქალაქს რამდენიმე დღის განმავლობაში არ მიეწოდებოდა ელექტროენერგია“- განაცხადა ჯუმბერ კახიძემ.

 

4 თებერვალს კახი კალაძემ ტელევიზიებთან საუბარში ასე შეაფასა ბათუმის მერის, ჯემალ ანანიძის თანამდებობიდან გადადგომა:

 

„მე არ ვიცი, რა უდევს საფუძვლად მის გადაწყვეტილებას, თუმცა ძალიან დიდი უკმაყოფილება იყო ადგილობრივი მოსახლეობის მხრიდან მერის მიმართ, ეს არ იმალებოდა. ალბათ, ამ ყველაფერმა გამოიწვია მერის გადადგომა“.

ნეტგაზეთის მასალების სხვა გამოცემებში გადაბეჭდვის წესი
ნინო ხიმშიაშვილი