3-დან 8 მარტს ჩათვლით, დედისა და ქალთა დღესთან დაკავშირებით, ქალები ბათუმველოს 20-ლარიან ბარათებს 50%-იანი ფასდაკლებით შეიძენენ. ბათუმველოს ბარათების შეძენა ბულვარის ცენტრალურ შესასვლელში განთავსებულ ტურისტულ-საინფორმაციო ცენტრშია შესაძლებელი.
ბათუმველოს სააბონენტო ბარათის შევსება გარდა ამ კონკრეტული ტურისტული-საინფორმაციო ცენტრისა, შესაძლებელია „საქართველოს ბანკის“ სწრაფი გადახდის აპარატებიდანაც.
დღეის მდგომარეობით ბათუმველოს 370 ველოსიპედი და 23 ველოტერმინალი აქვს, რომლებიც ბათუმის ზღვისპირა პარკში ან ქალაქის ცენტრალურ უბნებშია განთავსებული. ბათუმველოს ხელმძღვანელის პაატა დუმბაძის თქმით, მიმდინარე წელს ბათუმს კიდევ ერთი ველოტერმინალი დაემატება, რომლის განთავსების ადგილმდებარეობაც ჯერ შერჩეული არ არის. ამ ეტაპზე ტერმინალები განთავსებულია შემდეგ ადგილებში: გოგებაშვილი ქუჩაზე (რესტორანი სანაპირო ), ანბანის კოშკთან, ნინოშვილის ქუჩა №1 (ბულვარის ცენტრალურ შესასვლელთან), დემეტრე თავდადებულის ქუჩაზე, შერატონთან, უნივერსიტეტთან, საზღვაო აკადემიასთან, რესტორან აჭარულ სახლთან, ახალი ბულვარის დასაწყისში, ახალი ბულვარის ბოლოს, აეროპორტთან, იუსტიციის სახლთან, მაკდონალდსთან, ჯეოსელის ოფისის მოპირდაპირედ (გორგილაძის ქუჩაზე), # 3 სკოლასთან, 6 მაისის პარკთან, მერიასთან, ევროპის მოედანზე, ზ. გამსახურდიას ქუჩაზე, პიაცასთან, ხელოვნებისა და მუსიკის ცენტრთან, ჯავახიშვილის ქუჩაზე და ბოტანიკურ ბაღთან.
ბათუმველოში ასევე გვითხრეს, რომ ზაფხულამდე დაზიანებული ველოსიპედების შეკეთებაც იგეგმება, რისთვისაც სულ მალე საჭირო დეტალებს შეიძენენ, ამისთვის კი დაახლოებით 20 000 ლარი დაიხარჯება.
ამავე თემაზე: ველომოყვარულთათვის “არამეგობრული” ბათუმი
