Batumelebi | ყოფილი საჯარო მოხელეები ხელვაჩაურში მიწის გადაცემის საქმეში გაამართლეს ყოფილი საჯარო მოხელეები ხელვაჩაურში მიწის გადაცემის საქმეში გაამართლეს – Batumelebi
RU | GE  

ყოფილი საჯარო მოხელეები ხელვაჩაურში მიწის გადაცემის საქმეში გაამართლეს

გამამართლებელი განაჩენი ბათუმის საქალაქო სასამართლომ ხელვაჩაურის საკრებულოს ყოფილი 6 წევრის, ასევე აჭარის ფინანსთა და ეკონომიკის სამინისტროს ყოფილი საჯარო მოხელის მიმართ გამოიტანა. ისინი საკუთრების უფლების აღიარების კომისიაში მუშაობდნენ და დაახლოებით 8 ჰექტარი მიწის ნაკვეთი კომპანია „სთარს“ 2008 წელს გადასცეს.

მიწის გადაცემიდან 6 წლის შემდეგ, 2014 წელს, პროკურატურამ ყოფილ საჯარო მოხელეებს ბრალი წაუყენა. პროკურატურის მტკიცებით, ხელვაჩაურის საკუთრების უფლების აღიარების კომისიამ ისე გადასცა მიწის ნაკვეთი კომპანიას, რომ ადგილზე არ გასულა და მონაცემები არ შეუსწავლია. გარდა ამისა, მიწის ნაკევთი იყო ჭაობი და მისი გაცემა კანონით დაუშვებელი იყო. პროკურატურამ საჯარო მოხელეებს სამსახურებრივ გულგრილობაში დასდო ბრალი, ხოლო კომპანიის ხელმძღვანელი  თაღლითობაში დაადანაშაულა.

„ჩვენ დავადასტურეთ, რომ ეს კომპანია ფლობდა ნამდვილად ამ მიწის ნაკვეთს. ჭაობი და წყლის გუბეები ნამდვილად არის, მაგრამ ეს გამოწვეულია კომპანიის საქმიანობით. მესაკუთრე იქ ინერტულ მასალას ამუშავებს“, – განმარტავს ადვოკატი, რამინ პაპიძე. ის სასამართლოში ბრალდებულების ინტერესებს იცავდა.

ბრალის დადასტურების შემთხვევაში, ყოფილ საჯარო მოხელეებს სამ წლამდე თავისუფლების აღკვეთა ელოდათ. გადაწყვეტილება მოსამართლე გიორგი გრატიაშვილმა გამოიტანა.

ნეტგაზეთის მასალების სხვა გამოცემებში გადაბეჭდვის წესი
ავტორი