გამოფენა ნობელების მუზეუმში [ანონსი]

2017 წლის 23 თებერვალს 14:00 საათზე, აჭარის კულტურული მემკიდრეობის დაცვის სააგენტოს, ძმები ნობელების სახელობის ბათუმის ტექნოლოგიური მუზეუმის, აჭარის ხარიტონ ახვლედიანის სახელობის მუზეუმისა და აჭარის ხალხური ხელოვნების სკოლის ერთობლივი ღონისძიება „მომავალს გავაცნოთ წარსული“ გაიმართება.

ორგანიზატორთა განცხადებით, წარმოდგენილი იქნება:

• მეცხრამეტე საუკუნის ბოლოს და მეოცე საუკუნის დასაწყისის აჭარელ ქალთა ჩაცმულობის ნიმუშები, სადაც ტრადიციულად დომინირებდა წითელი, ლურჯი, შავი და ყვითელი ფერები.
• გ. ჩიტაიას მიერ 1933 წელს ჩატარებული პირველი ექსპედიციისას მოძიებული სამოსი, რომელსაც ცოცხალი მანეკენები წარმოადგენენ;
• წარმოდგენილი იქნება ასევე მუზეუმში დაცული სამკაულები;
• სამხრეთ-დასავლეთ საქართველოს ტრადიციული ხალხური ფეიქრობის ნიმუშები, სადაც დიდი ადგილი ნაქარგებს ეთმობა და დღეისათვის უფრო მთის ზონაში შემორჩა, ხალხური წესით ძვირფასი ქსოვილების დამზადება კი თითქმის გაქრა.

გამოფენის ნახვის საშუალება მსურველებს სამი დღის განმავლობაში შეეძლებათ.

მისამართი: ქ.ბათუმი, თამარის დასახლება,ლესელიძის N3