მთავარი,სიახლეები

Aerosmith-ის ვებგვერდზე ინფორმაცია საქართველოში კონცერტის შესახებ ისევ გამოჩნდა

19.02.2017 • 3446
Aerosmith-ის ვებგვერდზე ინფორმაცია საქართველოში კონცერტის შესახებ ისევ გამოჩნდა

„აეროსმიტის“ ოფიციალურ ვებ-გვერდზე ინფორმაცია საქართველოში დაგეგმილი კონცერტის შესახებ ისევ გამოჩნდა. „ბლექ სი არენაზე“ 20 მაისს დაგეგმილი კონცერტის შესახებ ინფორმაცია, რამდენიმე დღის წინ, ამერიკული როკ-ჯგუფის ვებ-გვერდზე არ იძებნებოდა.

მაშინ „ბლექ სი არენას“ დირექტორმა, დიმიტრი ბერიძემ „ნეტგაზეთთან“ განაცხადა, რომ კონცერტი არ გადადებულა და „აეროსმიტის“ საიტზე, ევროპაში დაგეგმილი ტურის ჩამონათვალში საქართველოს შესახებ ინფორმაციის ამოღება ტექნიკურ საკითხებს უკავშირდებოდა.

აღნიშნული კონცერტის შეკვეთილში, „ბლექ სი არენას“ დარბაზში ჩატარებისთვის, საქართველოს ბიუჯეტიდან 5,5 მილიონი ლარი დაიხარჯება.

შპს „ბლექ სი არენა ჯორჯიას“ ინფორმაციით, ამ თანხიდან 5 მილიონი ლარი ჰონორარისთვის [გადასახადების ჩათვლით], ხოლო ნახევარი მილიონი ლარი კულტურული ღონისძიებების ორგანიზებისთვის იყო საჭირო.

შესყიდვების სააგენტომ აღნიშნული თანხის გამარტივებული შესყიდვის წესით გამოყენებაზე კომპანიას თანხმობა მიმდინარე წლის 10 იანვარს მისცა.

მიმდინარე წლის 15 თებერვალს კი, „ბლექ სი არენა ჯორჯიამ“ შესყიდვების სააგენტოს ხელახლა მიმართა – გამარტივებული შესყიდვის შესახებ გადაწყვეტილებაში ცვლილებების შეტანის მიზნით.

„მიმდინარე წლის 6 იანვარს მოგმართეთ გამარტივებული შესყიდვის თანხმობის მიღების მიზნით. ღონისძიების ბიუჯეტი 5 500 000 ლარის ოდენობით, ზემოთაღნიშნულ მომართვაში გაშლილი იყო CPV 92300000 – ჰონორარებსა და CPV79952100 – კულტურული ღონისძიებების ორგანიზებაში. ვინაიდან, კულტურული ღონისძიებების ორგანიზება მოიცავს სხვადასხვა სახის მომსახურებებს, როგორიცაა სასტუმრო, რესტორნებისა და კვების საწარმოების, სატრანსორტო, სარეკლამო, ბილეთების რეალიზაციისა და სხვა მომსახურებებს, რომელთაც კონკრეტული CPV-კოდები აქვს მინიჭებული, გვსურს შევიტანოთ ცვლილება გადაწყვეტილებაში კლასიფიკატორების კოდების დაკონკრეტებისა და ჩაშლის მიზნით“ – აღნიშნულია წერილში.

სააგენტომ, გამარტივებული შესყიდვის შესახებ გადაწყვეტილებაში ცვლილების შესაძლო შეტანის საკითხი მიმდინარე წლის 22 თებერვლამდე უნდა განიხილოს.


„Check In Georgia“-ს კონცერტებისთვის ბიუჯეტიდან 6,5 მილიონი ლარი დაიხარჯება 

გადაბეჭდვის წესი


ასევე: