Batumelebi | „დაგვიბრუნეთ ჩვენი სკოლა“ – შაჰინის სკოლის მოსწავლეების საპროტესტო აქცია ბათუმში „დაგვიბრუნეთ ჩვენი სკოლა“ – შაჰინის სკოლის მოსწავლეების საპროტესტო აქცია ბათუმში – Batumelebi
RU | GE  

„დაგვიბრუნეთ ჩვენი სკოლა“ – შაჰინის სკოლის მოსწავლეების საპროტესტო აქცია ბათუმში

„შაჰინი, შაჰინი, დაგვიბრუნეთ ჩვენი სკოლა“ – ამ სიტყვებით სკანდირებენ შაჰინის სკოლის მოსწავლეები აჭარის მთავრობის სახლის წინ. ისინი ამ წუთებში აჭარის მთავრობის წინ საპროტესტო აქციას მართავენ მშობლებთან ერთად და მოითხოვენ სკოლაში სასწავლო პროცესი აღდგეს.

„ამ სკოლაში სწავლობს ჩემი შვილი და ვაპროტესტებ, რომ მას სწავლის უფლება წაართვეს. თუკი სასამართლო არ მიიღებს ამ სკოლაში სასწავლო პროცესის აღდგენის გადაწყვეტილებას, ჩვენ უკიდურეს ზომებს მივიღებთ,“- გვეუბნება აქციის მონაწილე ერთ-ერთი მშობელი ოლეგ ქათამაძე.

მშობლების თქმით, უკიდურესი ფორმა საპროტესტო აქციების გაგრძელება იქნება.

„თუ სასამართლო იქნება სამართლიანი და არ მოახდენენ მასზე ზეწოლას, მაშინ სკოლამ ფუნქციონირება უნდა გააგრძელოს. ჩვენ ყველა საბუთი გვაქვს იმისთვის, რომ სკოლამ გაიაროს ავტორიზაცია და ჩვენმა შვილებმა სწავლის გაგრძელება შეძლონ. ყველა ზომას მივმართავთ იმისთვის, რომ ჩვენი შვილების უფლებები დავიცვათ,“- ამბობს ნანა ბოლქვაძე.

შაჰინის სკოლა-ლიცეუმს ავტორიზაციის საბჭომ ფუნქციონირება 3 თებერვალს შეუჩერა. ავტორიზაციის შეწყვეტის მიზეზად სკოლაში მოსწავლეების ჩარიცხვის არასწორი წესი დასახელდა.

შაჰინის სკოლა-ლიცეუმის მოსწავლეები და მშობლები სკოლაში სასწავლო პროცესის შეწყვეტას აპროტესტებენ ფოტო: ლელა დუმბაძე

შაჰინის სკოლა-ლიცეუმის მოსწავლეები და მშობლები სკოლაში სასწავლო პროცესის შეწყვეტას აპროტესტებენ.
ფოტო: ლელა დუმბაძე

შაჰინის სკოლა-ლიცეუმის მოსწავლეები და მშობლები სკოლის დახურვას აპროტესტებენ ფოტო: ლელა დუმბაძე

შაჰინის სკოლა-ლიცეუმის მოსწავლეები და მშობლები სკოლის დახურვას აპროტესტებენ.
ფოტო: ლელა დუმბაძე

შაჰინის კოლის მოსწავლეები. ფოტო: ლელა დუმბაძე

შაჰინის კოლის მოსწავლეები.
ფოტო: ლელა დუმბაძე

აჭარის მთავრობის სახლის წინ საპროტესტო აქცია მიმდინარეობს

აჭარის მთავრობის სახლის წინ საპროტესტო აქცია მიმდინარეობს.

ნეტგაზეთის მასალების სხვა გამოცემებში გადაბეჭდვის წესი
ავტორი
ლელა დუმბაძე, ჟურნალისტი. ტელ: [0042] 27 45 12. lelabatumelebi@gmail.com