რამდენიმე წუთის წინ, ბათუმში, ტბელ აბუსერიძის ქუჩაზე ერთმანეთს ორი მიკროავტობუსი შეეჯახა. აქედან ერთი სამარშრუტო იყო, თუმცა ჩვენი ინფორმაციით მიკროავტობუსში ბევრი მგზავრი არ იმყოფებოდა.
ავტოსაგზაო შემთხვევის შედეგად სამგზავრო მიკროავტობუსი ამოყირავდა. შემთხვევას მსხვერპლი არ მოჰყოლია.
ბათუმის სასწრაფო სამედიცინო დახმარების სამსახურში „ბათუმელებს“ განუცხადეს, რომ რესპუბლიკურ საავადმყოფოში ორი ადამიანი, სავარაუდოდ ცოლ-ქმარი გადაიყვანეს. მათ სიცოცხლეს საფრთხე არ ემუქრება.
შემთხვევის ადგილზე ამ დროისთვის სამართალდამცავები მუშაობენ.