10 თებერვალს აჭარის მთავრობის თავმჯდომარემ, ზურაბ პატარაძემ ქედის მუნიციპალიტეტში სოფელ პირველ მაისში მცხოვრებ ნუგზარ ციციანიძისა და ჯალაბაშვილებში მცხოვრებ ქაზიმ ცინცაძის ეკომიგრანტ ოჯახებს დაბა ქედაში, „სოციალურ სახლში“ ბინები გადასცა.
ზურაბ პატარაძის განცხადებით, მალე 23 ეკომიგრანტი ოჯახი ბინას ხელვაჩაურში მიიღებს.
„ჩემს ხელთ არსებული ინფორმაციით, მხოლოდ ქედის მუნიციპალიტეტში ბოლო ოთხი წლის განმავლობაში 100-ზე მეტ ეკომიგრანტ ოჯახს გადაეცა ბინა. ამავდროულად მიმდინარეობს მუშაობა ხელვაჩაურში სოციალური სახლის მშენებლობაზე, სადაც რამდენიმე თვეში 23 ოჯახი მიიღებს ბინას“ – აღნიშნა ზურაბ პატარაძემ.
