Batumelebi | „დინამო ბათუმის“ დირექტორი თანამდებობიდან გაათავისუფლეს „დინამო ბათუმის“ დირექტორი თანამდებობიდან გაათავისუფლეს – Batumelebi
RU | GE  

„დინამო ბათუმის“ დირექტორი თანამდებობიდან გაათავისუფლეს

შპს საფეხბურთო კლუბი „დინამო ბათუმის“ დირექტორი სულხან გოგიბერიძემ თანამდებობიდან წასვლის შესახებ განცხადება დაწერა. ბათუმის საკრებულომ კი დღეს გამართულ სხდომაზე, კლუბის დირექტორის განცხადება დააკმაყოფილა.  დირექტორის მოვალეობას იური ლორთქიფანიძე შეასრულებს

 

კლუბ „დინამო ბათუმის“ დირექტორი, სულხან გოგიბერიძე თანამდებობიდან გაათავისუფლეს
კლუბ „დინამო ბათუმის“ დირექტორი, სულხან გოგიბერიძე თანამდებობიდან გაათავისუფლეს

 

 

სულხან გოგიბერიძის თანამდებობიდან გადადგომას „დინამოს“ წევრები მოითხოვდნენ. მათ ამ საკითხთან დაკავშირებით, არაერთი საპროტესტო აქცია გამართეს მერიის წინ, თუმცა სულხან გოგიბერიძე აცხადებდა რომ პროტესტის მიუხედავად ის თანამდებობიდან წასვლას არ აპირებდა.

 

გოგიბერიძის თანამდებობიდან წასვლის საკითხი, დღეს 18 ივლისს გამართულ საკრებულოს სხდომაზე იყო დაგეგმილი, თუმცა სანამ საკრებულოს წევრები ამ საკითხს განსახილველად ოფიციალურად გამოიტანდნენ, სულხან გოგიბერიძემ განაცხადება მანამდე რამდენიმე წუთით ადრე დაწერა.

 

სულხან გოგიბერიძის განცხადება დაკმაყოფილდა. კლუბი „დინამო ბათუმის“ დირექტორის მოვალეობას, დირექტორის მოადგილე იური ლორთქიფანიძე შეასრულებს.

 

 

ნეტგაზეთის მასალების სხვა გამოცემებში გადაბეჭდვის წესი
ლელა დუმბაძე