Batumelebi | გლეხებს ჩითილების შეძენა 5,1 თეთრად შეეძლებათ გლეხებს ჩითილების შეძენა 5,1 თეთრად შეეძლებათ – Batumelebi
RU | GE  

გლეხებს ჩითილების შეძენა 5,1 თეთრად შეეძლებათ


აჭარის მთავრობის ინფორმაციით, აჭარის სოფლის მეურნეობის სამინისტრო მიზნობრივი პროგრამის – “ბოსტნეული კულტურების ელიტური სარგავი მასალით ფერმერთა უზრუნველყოფის ხელშეწყობა” ფარგლებში მომავალი კვირიდან ჩითილების გაცემას დაიწყებს.

 

 

ტენდერში გამარჯვებულმა ფირმამ შპს „საქართველოს სათბურების კომპანიამ” 3 მილიონი პომიდვრის, კიტრის, ბადრიჯნის და ბულგარული წიწაკის ჩითილი აწარმოა.

 

ფერმერთა სიების გადამოწმება უახლოეს პერიოდში დასრულდება, ჩითილების გაცემა კი ქობულეთის მუნიციპალიტეტიდან დაიწყება.

 

აჭარის ავტონომიური რესპუბლიკური ბიუჯეტიდან აღნიშნული პროგრამის დასაფინანსებლად 521 000 ათასი ლარი გამოიყო.

 

 

„იმ მილიარდიანი პროექტის პარალელურად, რომელსაც საქართველოს მაშტაბით სოფლის მეურნეობის სამინისტრო კურირებს, ჩვენ გვაქვს დამატებით სხვა პროექტები, რომელიც აჭარის რეგიონებში ხორციელდება. ერთ-ერთი მათგანია ფერმერებზე სამ მილიონამდე ჩითილის თანადაფინანსებით გადაცემა. ეს კი ითვალისწინებს სახელმწიფოს მიერ ჩითილის ღირებულების 70%-ის გადახდას, რის შემდეგაც 1 ძირი ბოსტნეულის ნერგი მხოლოდ 5,1 თეთრი ეღირება. სპეციალურად, ხარისხიანი და მაღალმოსავლიანი ჩითილების დარიგება მომავალ კვირას ქობულეთის მუნიციპალიტეტიდან დაიწყება და რამდენიმე დღეში დასრულდება. პროცესში აქტიურადაა ჩართული ყველა მუნიციპალიტეტის გამგეობები და საინფორმაციო სამსახურები.“ – განაცხადა აჭარის მთავრობის თავმჯდომარემ არჩილ ხაბაძემ.

 

ჩითილები
ჩითილები

 

ნეტგაზეთის მასალების სხვა გამოცემებში გადაბეჭდვის წესი
თამარ ჯაყელი