Batumelebi | „ნაციონალური მოძრაობა“ ჯუმბერ თავართქილაძეს პასუხობს „ნაციონალური მოძრაობა“ ჯუმბერ თავართქილაძეს პასუხობს – Batumelebi
RU | GE  

„ნაციონალური მოძრაობა“ ჯუმბერ თავართქილაძეს პასუხობს

 

 

„შენობა, სადაც ნაციონალური მოძრაობის რეგიონალური ოფისია განთავსებული, არის პარტიის საკუთრება“  – ასე უპასუხა „ერთიანი ნაციონალური მოძრაობის“ ბათუმის საქალაქო ორგანიზაციის ხელმძღვანელმა გიორგი კირთაძემ „ხალხის პარტიის“ აჭარის რეგიონალური ორგანიზაციის ხელმზღვანელის ჯუმბერ თავართქილაძის განცხადებას, რომელმაც დღეს აჭარის პროკურატურას მიმართა თხოვნით,  გამოძიებული იქნას, თუ რამდენად კანონიერად სარგებლობს ნაციონალური მოძრაობა ბათუმში, მემედ აბაშიძის 44-ში მდებარე შენობით.

 

როგორც გიორგი კირთაძემ აღნიშნა, „კოალიცია ქართული ოცნების წარმომადგენლებს ნაცვლად იმისა, რომ პროკურატურისთვის მიემართათ, შეეძლოთ ეს ინფორმაცია საჯაროო რეესტრში გადაემოწმებინათ, სადაც მესაკუთრეობის შესახებ ინფორმაცია ინახება“.

 

მისივე განცხადებით, აღნიშნული შენობა პარტიამ 2006 წლის 27 მარტს აუქციონის წესით 93 504 ამერიკულ დოლარად შეიძინა.

ნეტგაზეთის მასალების სხვა გამოცემებში გადაბეჭდვის წესი
თამარ ჯაყელი