Batumelebi | ამინდის პროგნოზი: მოსალოდნელია ძლიერი ყინვა ამინდის პროგნოზი: მოსალოდნელია ძლიერი ყინვა – Batumelebi
RU | GE  

ამინდის პროგნოზი: მოსალოდნელია ძლიერი ყინვა

2 თებერვალს, თოვის შეწყვეტის შემდეგ, მოსალოდნელია ძლიერი ყინვა. გარემოს ეროვნული სააგენტოს აჭარის რეგიონალურ ჰიდრომეტეოროლოგიურ ობსერვატორიაში გვითხრეს, რომ ტემპერატურა მკვეთრად დაეცემა აჭარის მაღალმთიანეთში, სადაც ღამით 10-15 გრადუსი ყინვაა მოსალონდელი. სანაპირო ზოლში კი, ტემპერატურა – 6 გრადუსამდე დაიკლებს.

„დღეს, 31 იანვარს, დღის განმავლობაში შენარჩუნებული იქნება ღრუბლიანი, უმეტესად უნალექო ამინდი, ზოგიერთ ადგილზე მოსალოდნელია მცირე თოვა. ხვალისთვის ველოდებით დროგამოშვებით თოვას. მთაში მოსალოდნელია ზვავსაშიშროება. იქროლებს სამხრეთ-დასავლეთის ქარი 10-15 მეტრი წამში. ტემპერატურა სანაპირო რაიონებში იქნება ღამით 0-5 გრადუსი ყინვა, ხოლო დღისით 0-5 გრადუსი სითბო. მთაში მოსალოდნელია -5-10 გრადუსი ყინვა, მაღალ მთაში კი -10-15 გრადუსი ყინვა. დღის განმავლობაში აჭარის მთაში მოსალოდნელია 0-5 გრადუსი ყინვა“, – უთხრა „ბათუმელებს“ მარინა ქათამაძემ, გარემოს ეროვნული სააგენტოს აჭარის რეგიონალურ ჰიდრომეტეოროლოგიურi ობსერვატორიის უფროსმა სინოპტიკოსმა.

ობსერვატორიაში ამ დროისთვის არ აქვთ დაზუსტებული მონაცემი 2 თებერვლის შემდეგ ტემპერატურის კლებაზე. სინოპტიკოსები ამ დროიდან გამოდარებას, მაგრამ ყინვის გაძლიერებას პროგნოზირებენ.

სინოპტიკოსის, მარინა ქათამაძის თქმით, ხვალ, პირველ თებერვალს, ზღვაზე მოსალოდნელია 4-ბალიანი შტორმიც.

გარემოს ეროვნული სააგენტოს ინფორმაციით, 31 იანვარს საქართველოს ტერიტორიის უმეტეს ნაწილში ძლიერი ყინვაა მოსალოდნელი.

მოყინული არდაგანის ტბა ბათუმში / 31.01.2017 / ფოტო: თორნიკე თავაძე

მოყინული არდაგანის ტბა ბათუმში / 31.01.2017 / ფოტო: თორნიკე თავაძე

 

ნეტგაზეთის მასალების სხვა გამოცემებში გადაბეჭდვის წესი
ავტორი