აჭარაში თოვა უახლოეს დღეებშიც გაგრძელდება – ასეთია გარემოს ეროვნული სააგენტოს აჭარის რეგიონალური ჰიდრომეტეოროლოგიური ობსერვატორიის პროგნოზი. როგორც “ბათუმელებს” ობსერვატორიაში უთხრეს, გამოდარება 2 თებერვლიდანაა მოსალოდნელი.
“29-30 იანვარს აჭარაში შენარჩუნებული იქნება დროგამოშვებით თოვა, ზოგან ძლიერი. მთაში მოსალოდნელია ქარბუქი და ზვავსაშიშროება. 31 იანვარს ღამით და დღის პირველ ნახევარში თოვის ინტენსივობა იკლებს, დროებით გაუმჯობესდება აიმინდი, მაგრამ 31 იანვარსვე, დღის მეორე ნახევარში და ღამით მოსალოდნელია ისევ ნალექი თოვლის სახით.
გამოდარებას უნდა ველოდოთ 2 თებერვლიდან. 2 თებერვალს უკვე უნალექო ამინდია მოსალოდნელი, მაგრამ მოსალოდნელია ყინვის გაძლიერება” – უთხრეს “ბათუმელებს” აჭარის რეგიონალურ ჰიდრომეტეოროლოგიურ ობსერვატორიაში. მათივე მონაცემებით, ზღვაზე შტორმი ამ დროისათვის 4-5 ბალია, ხოლო ბათუმში თოვლის საფარის სიმაღლე 35-50 სანტიმეტრს აღწევს.
