სიახლეები

ნოდარ დუმბაძე საკრებულოს თავმჯდომარეს არასწორი ინფორმაციის გავრცელებაში ადანაშაულებს

20.02.2013 • 1596
ნოდარ დუმბაძე საკრებულოს თავმჯდომარეს არასწორი ინფორმაციის გავრცელებაში ადანაშაულებს

 

 

დუმბაძის განცხადებით ე.წ. „ჟილინის  არხის“ რეკონსტრუქციისათვის ბიუჯეტში საჭირო თანხა 6 მილიონ ლარზე მეტია გათვალისწინებული და ამ თანხის განკარგვაზე  ტენდერი უკვე გამოცხადებულია. არხმა ბათუმში აღმაშენებლისა და ე.წ. ჭაობის დასახლება სანიაღვრე წყლისგან უნდა განტვირთოს.

 

„მე ხელთ მაქვს ინფორმაცია საჯარო ინფორმაცია – spa.ge ზე თქვენც შეგიძლიათ ნახოთ. 5 თებერვალს არის გამოცხადებული ტენდერი 6 მილიონ 108 ათას ლარზე, ჟილინის არხის  მთლიანი რეკონსტრუქციისათვის. ირაკლი ჩავლეიშვილმა  შეცდომაში შეიყვანა მოსახლეობა, მან  ვერ გააცნობიერა, რომ ის რომ აღარ არის ოპოზიციაში და აღარ უნდა გააკეთოს, მე ვიტყვი და თქვენ ამტკიცეთ ტიპის განცხადებები.  მიკვირს, რომ ამ ყველაფერს   დაეთანხმა პარტიიდან გარიცხული ზაურ ფატლაძე, რომელიც დიდი ხანი მუშაობდა ამ პროექტზე და საქმის კურსშია,“ – განაცხადა ნოდარ დუმბაძემ.

 

თავის მხრივ ბათუმის საკრებულოს თავმჯდომარე ირაკლი ჩავლეიშვილი აცხადებს რომ ნოდარ დუმბაძე არ ფლობს ზუსტ ინფორმაციას.

„ამ წუთას ჟილინის არხისთვის 2  მილიონ 700 ათასი არის გამოყოფილი. წელს ამ სამუშაოებისთვის ეს თანხა  იქნება ათვისებული, თუმცა დანარჩენი თანხა მოსაძიებელია. მე ვფიქრობ, რომ  თუ ჩვენ დონორი ორგანიზაციებიდან ამ თანხას ავითვისებთ, ეს პირიქით უკეთესი იქნება, იმიტომ რომ  ის თანხა, რომელიც პროექტის დასასრულებლადაა საჭირო, გამოგვითავისუფლდება და სხვა პროექტებს მოვახმართ,“ – განუცხადა საკრებულოს თავმჯდომარემ „ბათუმელებს“.

გადაბეჭდვის წესი


ასევე: