Batumelebi | როგორ გადაანაწილა ცესკომ თვითმმართველობის არჩევნებისთვის გამოყოფილი 39 მილიონი ლარი როგორ გადაანაწილა ცესკომ თვითმმართველობის არჩევნებისთვის გამოყოფილი 39 მილიონი ლარი – Batumelebi
RU | GE  

როგორ გადაანაწილა ცესკომ თვითმმართველობის არჩევნებისთვის გამოყოფილი 39 მილიონი ლარი

2017 წლის ადგილობრივი თვითმმართველობის არჩევნებისთვის სახელმწიფოს მიერ გამოყოფილი თანხის განაწილებისა და გამოყენების წესი ცენტრალურმა საარჩევნო კომისიამ ორი დღის წინ განსაზღვრა.

ადგილობრივი არჩევნების ჩატარებისსთვის სახელმწიფო ბიუჯეტიდან ცესკოს 39 მილიონ 11 ათას 899 ლარი აქვს გამოყოფილი.

ცესკოს დადგენილებით, აქედან 17 მილიონზე მეტი [ანუ მთლიანი თანხის თითქმის ნახევარი – 44,8%], საარჩევნო ადმინისტრაციაში დასაქმებულთა ხელფასებში დაიხარჯება, დანარჩენი კი სხვა ხარჯებია.

ერთ მილიონზე მეტი დაიხარჯება არჩევნებისთვის მოხელეთა მომზადება-გადამზადებაში, 2,2 მილიონ ლარზე მეტი საარჩევნო სუბიექტების სატელევიზიო რეკლამის განთავსებისთვის, ხოლო 7,6 მილიონზე მეტი – საარჩევნო სუბიექტის წარმომადგენელთა დასაფინასებლად.

2017 წლის ადგილობრივი თვითმმართველობის არჩევნებისთვის სახელმწიფოს მიერ გამოყოფილი თანხის განაწილებისა და გამოყენების ცესკოს მიერ დადგენილი წესი [ხარჯთაღრიცხვა]:

cesko

საქართველოს 2017 წლის სახელმწიფო ბიუჯეტში, საქართველოს ცენტრალური საარჩევნო კომისიისთვის, მთლიანობაში [არჩევნებისთვის განკუთვნილი თანსხის ჩათვლით] 60,5 მილიონი ლარია გაწერილი. თვითმმართველობის არჩევნები მიმდინარე წლის შემოდგომაზე უნდა ჩატარდეს.


ამავე თემაზე:

2016 წლის 8 ოქტომბრის საპარლამენტო არჩევნების უზრუნველსაყოფად ცესკომ სახელმწიფოსგან 30 მილიონ 888 ათას 46 ლარი მიიღო, საიდანაც 20 მილიონ 707 ათას 739 ლარი საარჩევნო მოხელეების ხელფასებისთვის გაითვალისწინეს.

ცესკო – არჩევნები 76 მილიონად და დაბალი კვალიფიკაციით

ნეტგაზეთის მასალების სხვა გამოცემებში გადაბეჭდვის წესი
ავტორი
თედო ჯორბენაძე, ჟურნალისტი მობ.: 599 139 412 ელ/ფოსტა: tedobatumi@gmail.com