აჭარის ფინანსთა და ეკონომიკის სამინისტრო შპს „რესპუბლიკური კლინიკური ფსიქონევროლოგიური საავადმყოფოს“ აჭარის ავტონომიური რესპუბლიკის საკუთრებაში არსებულ 100%-იან წილს პირობებიან ელექტრონულ აუქციონზე ყიდის. საწყისი გასაყიდი ფასი 100 ათასი ლარია.
აუქციონის პირობების თანახმად, მყიდველმა ხელშეკრულების გაფორმებიდან 8 თვის ვადაში უნდა უზრუნველყოს შენობისათვის საჭირო სარემონტო/სარეკონსტრუქციო სამუშაოების დაწყება, არაუგვიანეს 36 თვის ვადაში დასრულება და 10 წლის განმავლობაში სამედიცინო პროფილის უწყვეტად შენარჩუნება;
აღნიშნულ პროექტში ხელშეკრულების გაფორმებიდან 36 თვის განმავლობაში მყიდველმა არანაკლებ 1 მილიონი ლარის ინვესტიცია უნდა განახორციელოს.
ბათუმში, კახაბრის ქუჩა N36-ში მდებარე საავადმყოფოს შენობის საერთო ფართობი 25459 კვ/მ, ხოლო მასზე მიმაგრებული მიწის ნაკვეთის ფართობია 5232 კვ/მ. ამასთან „რესპუბლიკური კლინიკური ფსიქონევროლოგიური საავადმყოფოს“ გააჩნია კრედიტორული [105 727 ლარი] და დებიტორული [398 394 ლარი] დავალიანება.
ელექტრონული აუქციონი მიმდინარე წლის 30 დეკემბერს დასრულდება.