მომავალი წლის ივნისში, ბათუმში ევროპის საკონსტიტუციო სასამართლოების მე-17 კონგრესი გაიმართება. კონგრესს საქართველოს საკონსტიტუციო სასამართლო უმასპინძლებს და მასში მონაწილეობას ვენეციის კომისიის პრეზიდენტი, ჯანი ბუკუკიოც მიიღებს. კონგრესის შესახებ ვენეციის კომისიის პრეზიდენტს ზაზა თავაძე, საკონსტიტუციო სასამართლოს თავმჯდომარე ვენეციაში შეხვედრის დროს ესაუბრა.
საქართველოს საკონსტიტუციო სასამართლოს თავმჯდომარე ასევე სიტყვით გამოვიდა ვენეციის კომისიის 109-ე პლენარულ სხდომაზე. ზაზა თავაძემ ისაუბრა საქართველოს საკონსტიტუციო სასამართლოს კანონმდებლობაში განხორციელებულ ცვლილებებთან დაკავშირებით, ვენეციის კომისიის მიერ მომზადებული დასკვნის მნიშვნელობაზე და მადლობა გადაუხადა ვენეციის კომისიის სამდივნოს დასკვნის უმოკლეს ვადებში მომზადებისთვის.
შეხვედრის თემა იყო საქართველოში კონსტიტუციური მართლმსაჯულების განვითარებაც. საქართველოს საკონსტიტუციო სასამართლოს ინფორმაციით, ჯანი ბუკიკიომ განაცხადა, რომ იგი კვლავაც მხარს დაუჭერს საქართველოს საკონსტიტუციო სასამართლოს დამოუკიდებლობასა და კონსტიტუციური მართლმსაჯულების ეფექტურ განხორციელებას.
