Batumelebi | უძლიერესები ბალტიისპირელები არიან უძლიერესები ბალტიისპირელები არიან – Batumelebi
RU | GE  

უძლიერესები ბალტიისპირელები არიან

სიმძიმეების აწევა და გადატანა სხვადასხვა დისტანციაზე დროის გარკვეულ მონაკვეთში, მანქანების გადაგორება და წამოწევა, ასევე, მრავალი სხვა ვარჯიში, რომელიც ფიზიკურ ძალასთან არის დაკავშირებული, ასეთია სპორტის ამ სეხეობის სპეციფიკა, რომელსაც მსოფლიოში უამრავი მიმდევარი და გულშემატკივარი ჰყავს. ბათუმის საერთაშორისო ტურნირზე უძლიერეს მამაკაცთა შორის, რომელიც ამ დღეებში გაიმართა, პოლონელმა ბართოლომეი ბონკმა გაიმარჯვა.

მეორე ადგილზე ესტონელი მარკუს მანიკი გავიდა, მესამე ადგილი კი ლიტველმა ვილმანტას ბლიუტუსმა დაიკავა. მეოთხე ადგილი წილად ხვდა უკრაინელ ვიტალი მიხეევს. რაც შეეხება საქართველოს წარმომადგენლებს, მათგან მხოლოდ ერთი მიუახლოვდა საპრიზო ადგილს, გიორგი დოინჯაშვილმა ტურნირი მეხუთე ადგილზე დაასრულა. ასპარეზობა ბათუმში უკვე მეორე წელია ტარდება და აჭარის უძლიერეს მამაკაცთა კლუბის პრეზიდენტის, გოჩა შავაძის განცხადებით, ის ტრადიციულ სახეს მიიღებს და მონაწილე ქვეყნების რაოდენობა მომდევნო წლებში გაცილებით გაიზრდება.

 

 

 

 

ნეტგაზეთის მასალების სხვა გამოცემებში გადაბეჭდვის წესი
ირაკლი დარცმელიძე