Batumelebi | აჭარაში 2500-მდე აბონენტს ელექტროენერგია არ მიეწოდება აჭარაში 2500-მდე აბონენტს ელექტროენერგია არ მიეწოდება – Batumelebi
RU | GE  

აჭარაში 2500-მდე აბონენტს ელექტროენერგია არ მიეწოდება

აჭარის ტერიტორიაზე ამ დროისთვის 2500-მდე აბონენტს ელექტროენერგია არ მიეწოდება. „ენერგო-პრო ჯორჯიას“ რეგიონულ ოფისში „ბათუმელებს“ განუცხადეს, რომ მიზეზი უამინდობაა.

„ხელვაჩაურის მუნიციპალიტეტში ძლიერი წვიმის გამო ელექტროენერგია არ მიეწოდება 828 აბონენტს, ხოლო აჭარის მაღალმთიანეთში [ქედა, შუახევი, ხულო] _ 1600 აბონენტს. მაღალმთიანეთში პრობლემა თოვლმა შექმნა, დაზიანებულია გადამცემი ხაზები… ხელვაჩაურშიც და მაღალმთიანეთშიც გასულია ბრიგადები და მიმდინარეობს აღდგენითი სამუშაოები,“ – განაცხადეს კომპანიაში.

„ბათუმელები“  აჭარაში სახანძრო-სამაშველო სამსახურს დაუკავშირდა, სადაც თქვეს, რომ არსებული უამინდობის გამო მათთან გამოძახება ამ დრომდე არ დაფიქსირებულა.

ხულო, სოფელი თხილვანა / 3.12.2016 / როლანდ გუნდაძის ფოტო

ხულო, სოფელი თხილვანა / 3.12.2016 / როლანდ გუნდაძის ფოტო

ნეტგაზეთის მასალების სხვა გამოცემებში გადაბეჭდვის წესი
ავტორი
თედო ჯორბენაძე, ჟურნალისტი მობ.: 599 139 412 ელ/ფოსტა: tedobatumi@gmail.com