ახალარჩეული უმაღლესი საბჭოს თავმჯდომარის მოადგილედ მერაბ კარანაძე 14 ხმით აირჩიეს. უმაღლეს საბჭოში ვიცე-სპიკერის ასარჩევად კენჭისყრისთვის 18-მა დეპუტატმა გაიარა რეგისტრაცია.
მერაბ კარანაძე ხელვაჩაურის მაჟორიტარი დეპუტატია აჭარის უმაღლეს საბჭოში „ქართული ოცნებიდან“. 2012 წლის არჩევნებზე მერაბ კარანაძე „ნაციონალური მოძრაობის“ ხელვაჩაურის წინასაარჩევნო შტაბში მუშაობდა. 2011 წელს იგი „აჭარის ტელევიზიის“ დირექტორის მოადგილე იყო, როცა ტელევიზიის წინ საპროტესტო აქციის მონაწილეები დააკავეს და ციხეში ჩასვეს.
