აჭარის ახალარჩეული უმაღლესი საბჭოს პირველ სხდომაზე, საკანონმდებლო ორგანოში ოთხი ფრაქცია შეიქმნა:
- „ქართული ოცნება“ – თავმჯდომარე ირაკლი ჭეიშვილი;
- „ქართული ოცნება – აჭარა“ – თავმჯდომარე დავით ბაციკაძე;
- „ქართული ოცნება – მაჟორიტარები“ – თავმჯდომარე ილია ვერძაძე;
- „ნაციონალური მოძრაობა“ – თავმჯდომარე ელგუჯა ბაგრატიონი.
ახალარჩეული უმაღლესი საბჭოს პირველი სხდომა დღეს, 28 ნოემბერს, 12 საათზე დაიწყო.
უმაღლესი საბჭოს ფრაქციაში მინიმუმ 3 წევრი მაინც უნდა იყოს. საბჭოში 21 წევრია. წინა, მე-3 მოწვევის უმაღლეს საბჭოში 7 ფრაქცია იყო, რითაც საკანონმდებლო ორგანომ მაშინ ფრაქციის შექმნის ლიმიტი ამოწურა.
