უმაღლეს საბჭოში 21 დეპუტატიდან ამჟამად თანამდებობის გარეშე დარჩენილია მხოლოდ ორი დეპუტატი – ეკა თარგამაძე და მიხეილ მჟავანაძე. საბჭოში უკვე მე-7 ფრაქცია რამდენიმე დღის წინ შეიქმნა და მისი დაფინანსების საკითხს ბიურო ამ წუთებში განიხილავს. პროექტის მიხედვით, ფრაქცია „თანასწორობა“, სავარაუდოდ, 27 ათას ლარს მიიღებს, რაც მხლოდ სამი თვის ბიუჯეტი იქნება. ახალი ფრაქციის ხარჯები არ გაზრდის უმაღლესი საბჭოს ბიუჯეტს. ფრაქციისთვის ფული საბჭომ რეზერვისა და თანხის გადანაწილებით გამოყო. უმაღლესი საბჭოს ბიუჯეტი წლიურად დაახლოებით 5 მილიონ ლარს შეადგენს.
ახალი ფრაქცია „თანასწორობა“ უმაღლეს საბჭოში „ნაციონალური მოძრაობის“ წევრებმა: ასმათ დიასამიძემ და მურმან ბერიძემ, ასევე დამოუკიდებელმა დეპუტატმა მედეა ვასაძემ შექმნეს. ერთი ფრაქციის შენახვა უმაღლეს საბჭოს წლიურად დაახლოებით 108 ათასი ლარი უჯდება. ამას ემატება ავტომანქანა, რომელიც ფრაქციას ემსახურება და საწვავის ხარჯი.
უმაღლესი საბჭოს ფრაქციაში მინიმუმ 3 წევრი მაინც უნდა იყოს. საბჭოში სულ 21 წევრი და 7 ფრაქციაა, ამდენად, საკანონმდებლო ორგანომ ფრაქციის შექმნის ლიმიტი ამოწურა.
![ბათუმში მეზღვაურთა საერთაშორისო დღე აღინიშნება, რისთვისაც ნახევარი მილიონი ლარი დაიხარჯება [ფოტო]](https://batumelebi.netgazeti.ge/wp-content/uploads/2026/06/11.png "ბათუმში მეზღვაურთა საერთაშორისო დღე აღინიშნება, რისთვისაც ნახევარი მილიონი ლარი დაიხარჯება [ფოტო]")
